Nuuk Paamiut Ittoqqortoormiit Tasiilaq Aalajangersakkat nalinginnaasut Aallaqqaasiut Immikkoortut ilaasa qanoq ittuunerat Atuineq Numinertat piumasaqaatitaqarfiusut Nunaminertat sanaartorfigineqanngitsut Nunagissaaneq toqqaviillu portussusissaat Niffat Qaartiterinerit Aqquserngit Aqqusernernit titarnerit Biilinik inissiisarfiit Qimussit aqqutaat aqqusineeqqallu Tikikkuminassutsit Teknikkikkut pilersuutit Allanngutsaaliuinerit eriaginninnerillu Qimmeqarneq Containerit Umiatsianik inaalitsiviit Aneerasaaratarfiit Illut eriagisassat Nakkutilliisut illui A-miit E-mut aalajangersakkat nalinginnaasut Nunap assinganik ujarlerfik

Aalajangersakkat nalinginnaasut

Immikkoortunik killeqarfilersuineq atuuffinnik immikkoortiterinerit naapertorlugit aalajangersarneqarput. Illoqarfimmi immikkoortup ilai A-E-mi atuuffinnik immikkoortiterneqarnerinik taaneqartut nunaannarmi immikkoortup ilai K-O-mik atuuffinnik immikkoortiterneqarnerinik taaneqarput

Inoqarfinni immikkoortut immikkoortiterneqarneri:

  • Inissiaqarfiit (A-mi immikkoortut)
  • Inuutissarsiuteqarfiit umiarsualiveqarfiillu (B-mi immikkoortut)
  • Immikkoortut ataatsimoorussaqarfiit (C-mi immikkoortut)
  • Sanaartorfioqqusaanngitsut annertuunillu sukisaarsaartitsinermut atortulersuutit (D-mi immikkoortut)
  • Teknikkikkut atortulersuutit attaveqaateqarfiillu (E-mi immikkoortut)

Nunaannarmi immikkoortut immikkoortiterneqarneri:

  • Sunngiffimmi aasaaneranilu illuaraqarfiit assigisaallu. (K-mi immikkoortut)
  • Immikkoortut sukisaarsaarnermut immikkuullarissunut (L-imi immikkoortut)
  • Immikkoortut savaateqarfittut, nunaateqarfittut, imaani inuutissarsiornermut, orpippassuaateqarnermut, qeqertani qimmiliveqarnermut il.il. tunngasut. (M­-imi immikkoortut)
  • Teknikkumut, attaveqatigiinnermut assigisaanullu immikkoortitat (N-imi immikkoortut)
  • Immikkoortut sanaartorfiunngitsut (O-mi immikkoortut) 

Immikkoortup ilaani ataasiakkaani pingaarnertut aalajangersakkat immikkoortunillu killeqarfilersuinerit sukumiisut killiliussani aalajangersarneqarput.

Immikkoortunut assigiinngitsunut tamanut aalajangersakkat tamanut atuuttut

Aalajangersakkat nalinginnaasut kommunimi illoqarfinnut, nunaqarfinnut asimullu tamanut atuupput. Aalajangersakkat nalinginnaasuupput aamma najukkami immikkoortut ilaanni pissutsinik eqqarsaatiginnittuunatik. Taamatut aalajangersagaqarnermi siunertarineqartut tassaapput innuttaasut tunngaviusumik aalajangersakkanik assigiinnik aamma illoqarfinni, nunaqarfinni asimilu assigiinnik atugassaqartitsilluni tunineqarnissaat. Aalajangersakkani nalinginnaasuni illoqarfinni tamani tigussaasunik pilersaarusiornerit nunaminertanillu aqutsinerit ataatsimut malittarisassiorneqarnissaat anguniagaavoq.





Kingullermik iluarsineqarpoq 6-4-2016


WEB by COWI