Aalajangersaanerit Atugassiinerup ingerlannera Atugassaritinneqarsinnaasut Piffissaliussat Tunniussineq Sumiginnaaneq Oqartussat allat Aalajangersakkat immikkut ittut Immikkut ittumik akuersissutit Naammagittaalliutit Nunaminertamik atugassiissutit

Nunaminertamik atugassiineq

Nunaminertamik nutaamik atuilersitsinerit tamarmik Kommunalbestyrelsip nunaminertamik atugassiilluni akuersissuteqarneratigut pisussaavoq. Aamma nunaminertat illulluunniit allatut atorneqarnissaat, nunamik allannguinerit kiisalu tunniussinermi aamma illunik nappaaqqinnermi.

Nunaminertamik atugassiisarneq tunniunneqartoq allamut atugassinneqartussaanngilaq piginnittussaatitaasumullu allamut tunniussinissaq aatsaat nunaminertamik oqartussaqarfimmit tunniunneqarsinnaalluni. Taamaattumik piginnittumit allamut illumik aammalu/imaluunniit sanaartukkamik pisinermi, imaluunniit kingornussinermi aammalu pigisanik piginnittussaatitaanerit piviusunngortinnerini, nunaminertamik atugassiisarnikkut atuinissamut piginnittussaatitaaneq suliarineqassaaq.

Sanaartugassanut inatsisit aamma nuna tamakkerlugu pilersaarusiornermut najoqqutassiat il.il. naapertorlugit nunaminertanik atuinissamut akuersissutit Naalakkersuisunit tunniunneqarsinnaapput.

Nunaminertanik atugassiisarnermut aalajangersakkat Kommuneqarfik Sermersuumi Kommunalbestyrelsimit aalajangersaavigineqarput pilersaarusiorneq aamma nunaminertat atorneqarnerannut pillugit Inatsisartut inatsisaat nr. 17, 17. november 2010-meersoq, § 14, imm. 2, § 22 kiisalu §§ 37-52 tunngavigalugit.


Nunaminertamik atugassiisarneq pillugu nalinginnaasumik paasissutissiineq

Illit innuttaasutut, inuinnartut suliffeqarfittulluunniit assersuutigalugu illuliorusukkuit nunamik atuisinnaatitaavutit. Nunaminertamik atugassinneqarnissamut qinnuteqaateqarnikkut nunaminertamik atuisinnaatitaavutit.

Kommuneqarfik Sermersuumi Sanaartornermut Avatangiisinullu Ingerlatsivimmi Sanaartornermut Nunaminertanullu Oqartussaqarfiup nunaminertanik atugassiisarnerit ingerlatarai.

Kommuneqarfik Sermersuumut nunaminertamik atugassinneqarnissamut NunaGIS aqqutigalugu qinnuteqarsinnaavutit. NunaGIS.gl aqqutigalugu nunaminertamik atugassinneqarnissamik qinnuteqarsimaguit, akiligassap allagartaa atsiugaq najukkanni innuttaasunik sullissivimmut imaluunniit nunaqarfiup allaffianut kingusinnerpaamik sapaatip-akunneri sisamat qaangiutsinnagit nassiulluguluunniit tunniutissavat, akiligassallu allagartaa Sanaartornermut Avatangiisinullu Ingerlatsivimmut ingerlateqqinneqassalluni. Akiligassap allagartaa sapaatip-akunneri sisamat qaangiutsinnagit Sanaartornermut Avatangiisinullu Ingerlatsiviup tigusimanngippagu qinnuteqaatit atorunnaarsinneqassaaq.

Qinnuteqaat qanoq immersorneqarnissaanik ilitsersuut takusinnaavat

Qinnuteqaatit atsiorukku aatsaat atuussinnaavoq. Taamaammat qarasaasiakkoortumik atsiortarnerup atuutilernissaata tungaanut qinnuteqaat printerikkut aniseriarlugu suli atsiortussaatitaavat.  Qinnuteqaat najukkanni innuttaasunik sullissivimmut imaluunniit nunaqarfiup allaffianut nassiutissavat tunniulluguluunniit.

Internetimut attaveqanngikkuit, nunaminertamik atugassinneqarnissamik qinnuteqarninni najukkanni innuttaasunik sullissiviup imaluunniit nunaqarfiup allaffiata ikiorsinnaavaatsit.

Periusissaq

Pingaarnertut qinnuteqaatit tamanut ammasumik saqqummiunneqassaaq, taamaalillunilu kikkut tamarmik akerliliissuteqarnissamut periarfissinneqassallutik. Nunaminertamik atugassinneqarnissamut qinnuteqaatit kommunimi pilersaarummut nassuiaasersorluakkamut naleqquppat, kommunip nunaminertamik atugassinneqassasutit aalajangersinnaavaa.  Tamanna qinnuteqaat tamanut ammasumik saqqummiuteqqaanngikkaluarlugu pisinnaavoq, kisiannili tamanna nalinginnaasuunngilaq.

Qinnuteqaateqariaatsip illoqarfimmi nunaqarfimmiluunniit arlaannik qinnuteqaateqarneq assigiinnarpaa, soorlu immikkoortumi "atugassiinerup ingerlannera"-mi allassimasoq. Nunaqarfinni minnerusunik sanaartugassanut nunaminertanik atugassiinissat erseqqinnerusumik nalilerneqaqqaartariarput, imaappat:

  • immikkoortup ilaani qinnuteqaatigineqartoq periarfissiippat eqqaani inissaqartitsisumik
  • immikkoortup ilaa qinnuteqaatigineqartoq kommunip pilersaarutaanut naapertuuppat

Qinnuteqaatit kommunimi pilersaarummut uniuuppat, kommunip pingaarnertut qinnuteqaatit itigartitsissutigissavaa.  Pisulli ilaanni nunaminertamut qinnuteqaatigineqartumut immikkut ittumik akuerissallutit kommune aalajangersinnaavoq.  Kommunip tamanut ammasumik saqqummiussereernermigut aammalu nunaminertamik atugassinneqarninni kalluarneqartussanut tusarniaareernermigut tamanna akuerisinnaavaa.

Sumiiffiup ilaanut nunaminertap qinnuteqaatigisavit inissisimaffianut kommune kommunimi pilersaarummik akuersissuteqarsimanngippat, kommune sumiiffimmut kommunimut pilersaarummut tapiliussamik akuersissuteqarsinnaavoq, imaluunniit tamanut ammasumik tusarniaasinnaalluni. Tamanut ammasumik tusarniaaneq nalinginnaasumik naqitat atorlugit saqqummiussinikkut allagarsiinikkulluunniit pisarpoq. Tusarniaanermi ullut sivikinnerpaamik 14-it periarfissaritinneqartarput.  Tusarniaanermi akissuteqartoqarsimappat, taakku kommunip suliamik ingerlatitseqqinneranut ilaatinneqassapput.

Nunaminertanik atugassiisarnermut tunngasut ujartornerani periutsit marluusinnaapput:

  • Nunaminertamik atugassiinissamut digitalikkut qinnuteqaat ugguuna http://www.nunagis.gl.
  • Nunaminertamik atugassiinissamut qinnuteqaatip immersuiffissaa nalinginnaasoq atorsinnaavat.

Immersugassap pdf-imut link uaniippoq qinnuteqaat_immersugassaq.pdf

Imaluunniit najukkanni Innuttaasunut Sullissivimmut nunaqarfinniluunniit kommunip allaffianut attaveqarsinnaavutit tassuunakkullu ilitsersuutsillutit.




Kingullermik iluarsineqarpoq 30-9-2016


WEB by COWI