Numinertat piumasaqaatitaqarfiusut

Teknikkikkut atortulersuutit imerluunniit imigassaq illersorniarlugit nunaminertat piumasaqaatitaqarfiusut oqartussaasunit attuumassuteqartunit aalajangersaaffigineqartarput.

Nunaminertanut appakaaffigeqqusaanngitsut isumannaallisaaffiusulluunniit eqqaat, soorlu imermik milluaaviit, telep napparussuaatai, tankeqarfiit, suluusalinnut mittarfiit, qulimiguulinnut mittarfiit, qaartartuusiviit il.il. pillugit aalajangersakkat ataqqineqassapput. Nunaminertat taamatut ittunik nunaminertartallit oqartussaasunit attuumassuteqartunit immikkut ittumik akuersissummik pisimanngikkaanni sanaartorfigineqassanatillu siunertanut allanut atorneqassanngillat. Ingerlatsinernut atortulersuutit pisariaqartinneqartut eqqaassanngikkaanni.

Nunaminertat taamatut ittunik nunaminertartallit oqartussaasunit attuumassuteqartunit akuersisoqarneratigut taamaallaat sanaartorfigineqarsinnaapput, atorneqarsinnaapput siunertanulluunniit allanut atorneqarsinnaapput.

Nunaminertat tamakku ataasiakkaat killeqarfilersorneqarnerat immikkoortup ilaa pineqartoq pillugu ilutsimi pingaarnermi aamma aalajangersakkani pingaarnerni allassimapput.

Telekkut attaveqaatit radiokkullu aallakkaatitsisarnerit qulakkeerniarlugit asimi telep atortulersuutaanit 1 kilometerisut ungasitsigisumiittuni imaluunniit portussusii 150 imaluunniit -25 meterisut portutigisuniittuni illuliortoqannginnerani atortulersuusersortoqannginneranilu Tele Greenland A/S-imit immikkut ittumik akuersissummik pissarsiniartoqaqqaassaaq. Taamatut sanaartornerit telekkut attaveqaatinut sunniuteqassangatinneqarpata tamanna aamma atuutissaaq.