• /
  • Illoqarfinni nunaqarfinnilu malittarisassat

Illoqarfinni nunaqarfinnilu malittarisassat

Kommunip pingaarnertut ilusaani nunap immikkoortui qanoq inissisimaneri ilanngullugit ataatsimut allaaserineqarput. Kommunimut pingaarnertut iluseq ataatsimut kommunimi nunassittariaatsip ineriartornera tunngavigalugu aalajangersaavigineqarpoq.

Kommunimut pilersaarummi aamma inoqarfiit ataasiakkaat pillugit pingaarnertut ilusissaq ilaavoq, taanna quppernermi uani ammarneqarsinnaavoq. Pingaarnertut ilutsini nunap immikkoortuisa agguataarneri aamma kommunimi illoqarfiit, nunaqarfiit nunaannaallu killeqarfii aalajangersaavigineqarput kommunip immikkoortunut pilersaarutai ataatsimut naliliiffiginerisigut. (kommunimut pilersaarutip nassuiaatitaa).

Immikkoortumi uani inoqarfiit ataasiakkaarlugit ineriartornissamut immikkut atugassaat qitiutillugit allaaserineqarput. Immikkoortuni ataasiakkaani siullertut ineriartortitassat suliniuteqarfigisassallu allaaserineqarput, kommunimut pilersaarusiornissami inoqarfiit ataasiakkaat ilusaannik aamma nunap immikkoortuisa agguataarneqarnerinut annertuumik allannguisussat. Inoqarfiilli amerlanerit eqqarsaatigalugit piffissami pineqartumi ilusaat allannguuteqassanngillat. Immikkoortukkuutaat tamarmik tassaapput inoqarfinnut ataasiakkaanut ilusissaq, inoqarfiit ataasiakkaat ineriartortinneqarnissaannut najoqqutassaliornikkut takutinneqarlutik.