Tasiilap Kujataa

Tasiilap illoqarfiata immikkoortua Naasuliartarfiup kujatinnguaniittup annertunerpaartaa marlunnik illuliorfigineqarsimasuuvoq illoqarfiup immikkoortuata eqqaani maannakkut arsaattarfeqarfiusumi aamma sisorarluni majuartaateqarfiusumi.

Sanaartorfi ssanik nutaanik atugassiinikkut, piffi nnilu sanaartorfi oreersuni qaninnerusunik sanaartornissaq, illoqarfi up kujasissuanik nutarterinissami qitiutinneqassaaq.

Illoqarfiup ineriartortinnissaanut pilersaarummut pingaarnerpaamut ilaatillugu piffissami aggersumi illoqarfiup kujataatungaa ineriartortinneqassaaq, taamatut naatsorsuutigisamik innuttaasut amerliartortut inissaqartinnissaannut piareersimaniarluni. Arsaattarfiup aamma majuartaatip eqqaa illoqarfiup kujataatungaani immikkut qitiusoqarfittut atussaaq, aamma tamatuma eqqaa nutaanik aamma pioreersunik illuliorfinnik sanaartornikkut illoqarfittut ineriartortinneqassalluni.

Maannakkut pioreersut illuliorfigineqarsimasut pitsaanerulersinnissaannut eqiternerulersinnisaannullu suliaqartoqassaaq, tassunga ilanngullugit immikkut erngup eqqakkap aqqutai tamaani suliarineqassallutik. Aammattaaq piffissami aggersumi illoqarfiup immikkoortua kujammut kangimut aamma kujammut kitaanut annerulersinneqassaaq, tamaani illuliorfissat marluk nutaat qitiusoqarfissamik nutaamik tapertaatinneqartussat sanaartorfigineqassallutik. Kiisalu piffissaq ungasissoq eqqarsaatigalugu sisorarnermi majuartaatip kujataa anginerulersinneqassaaq, tatsip imeqarfiusup killeqarfia mikinerulersinneqassappat imaluunniit peerneqassappat. Illoqarfiup immikkoortui tulleriiaarlugit ineriartortinneqassapput kortimi taaneqarnerisigut tulleriiaaraluni.