Nunaminertanik atorneqarsinnaasunik nalunaaruteqarneq

Imm. 1. Kommunalbestyrelsimit nunaminertat assigiinngitsunut siunertallit atugassiissutigineqarnerinik ingerlaavartumik nalunaarutigineqartarpoq, tamanna tunngavigalugu soqutiginnittut nunaminertamik inniminniinissamut imaluunniit atugassinneqarnissamik qinnuteqarfigineqarsinnaasunik.

Imm. 2. Kommunimut pilersaarummut tapiliussani nutaani immikkoortuni nunaminertaq atugassiissutigineqarsinnaavoq tamanna pillugu nalunaaruteqartoqareerneratigut. Nunaminertat kommunimut pilersaarusiortoqarneranut imaluunniit illuliorfissagissaanermut atatillugu atorunnaartut nalunaarutigineqartassapput.

Imm. 3. Nunaminertamik atugassinneqarnissamik qinnuteqarneq tunngavigalugu, kommunimut pilersaarummut tapiliussami sukumiisumik immikkoortoq pillugu aalajangersaasoqartillugu, nunaminertat sukumiisumik aalajangersaavigineqartut, imm. 2 malillugu nalunaarutigineqarnissaanik piumasaqaat atunngitsoortinneqarsinnaavoq.

Imm. 4. Nalunaarutigineqartarnissaanut piumasaqaat Kommunalbestyrelsimit eqqarsaatigineqassanngilaq, kommunimut pilersaarutip naammassinissaanut qulakkeerneqarusuttutut piginnittutut paarlaattoqarsinnaalluni.

Imm. 5. Immikkoortuni kommunimut pilersaarummut tapiliussani nutaani nunaminertat qinnutigineqarsinnnaasutut nalunaarutigineqartut ima paasissutissartalerlugit nalunaarutigineqassapput:

  1. Qinnuteqarnermi nunaminertat kissaatigineqartut tulleriiaarlugit allattorneqarnerat ilanngunneqassasoq
  2. Nunaminertanik arlalinnik qinnuteqarnermi qinnuteqaatinut tamanut pilersaarusiat ataatsimut piffisalersuisoqassasut aningaasalersorneqarnissaannullu pilersaarut ilanngunneqarluni
  3. Qinnuteqaatit tiguneqartut akornanni kissaatigisatut tulleriiaakkat assigiissuteqarpata, qinnuteqartut akornannit makitsisoqassaaq taamaalilluni qinnuteqartoq makinneqartoq nunaminertamut salliullugu qinnuteqartoq inniminniisinneqarluni
  4. Nunaminertamik inniminniisoqarsinnaavoq qinnuteqartup tulleriiaaraluni allattugaani nunaminertaq ilaappat
  5. Nunaminertamik salliunneqartumik inniminniisoqarsinnaanngippat qinnuteqartoq qinnuteqaammi nunaminertanik tulleriiaakkanut utaqqisunut allattorsimaffimmut nalunaarsorneqassaq.