Kommuneqarfiup piffissami aggersumi Aneersuarfik Aqqalukp qorsooqinnersaqarfittut orniguttarfissatut ineriartortinnissaanik suliaqassaaq. Tamanna Imanerup aamma Nuutoqqap akornanni kulturikkut attaveqaataassaaq pingaaruteqartoq, ilinniartitaanerup, kulturikkut aamma allaffissornikkut suliaqarnerup akornanni pingaaruteqartoq, aamma ilutigalugu pingaartuuvoq timersornikkut aamma sunngiffimmi aaqqissuussinermi aallaaviusussatut. Inuppassuit assigiinngitsukkuutaat tamanna ullup ukiullu ingerlaneranni piffissami assigiinngitsuni atortarpaat.
Tamatuma nutarterlugu aamma allanngortillugu parkinngortinnissaa illoqarfiup innuttaasuinit takornarianillu nuannarineqassaqaaq. Illoqarfiup qeqqata aamma oqaluttuarisaanermi Nuup Nuutoqqap eqqaata akornata aammattaaq ataqatigiissunngortinnissaannut maannakkut ilungersuuteqarnermut parkip ineriartortinnissaa attuumassuteqarportaaq.
Tamanna ullumikkut aqqusineerarpassuarnik, aqqusinernik aamma sulianik naammassineqanngitsunik uiernertut isikkoqartunik peqarpoq. Tamanna sumiiffittut pisulluni qimagutiinnarnermit imaluunniit biilerluni sanioqqutiinnarnermit tassaniissallunili kajungernartutut ineriartortinniaraanni pisariaqarpoq sumiffiup tamatuma qanoq atorneqarnissaata eqqarsaatigilluarnissaa aamma nutaatut orniguffissatut aaqqissuussinernullu periarfissaqarfittut ineriartortinnissaa. Ilutigalugu pingaaruteqarpoq parkip tamatuma nutaap ilusilersornissaa atorneqarnissaanut periarfissarpassuit tassani ingerlanneqartarniassammata. Parki taamaattumik ineriartortinneqassaaq soqutigisaqaqatigiit tassunga attuumassuteqartut suleqatigalugit.
Sammisassat ilagissavaat sumiiffiata aamma orniguffissat nunaminertat, aqqusineeqqat aamma aqqusernit qanoq isikkoqarnissaannik ilusilersuinissaq, naasunik ikkussuinissaq aamma qullilersornissaa, ikaartarfiit, kusserngit, issiaviit bænkit ilusilersornissaat aamma sukuutsertarfiusinnaasumik aamma imermik atorlugu eqqumiitsuliamik ilusilersuinissaq.
