Qorsooqqinnersaqarfiit ilusaat

”Kommunimi pilersaarutitut ilassut nr. 4 – Illoqarfiup sukisaarsartarfiinut pilersaarut” oktober 2010-mi atuutilerpoq, taamaalilluni Nuummi sukisaarsartarfii qorsuusut pillugit kommunalbestyrelsip qanoq aqussinnaanerai pillugit perngaammik ataatsimoortumik pilersaarusiorneqarput, taamaalilluni illoqarfiup innuttaannut pitsaanerpaamik iluaqutaasinnaanngortillugit.

Nuummi sumiiffiit sukisaarsartarfiusut sumiiffinnut assigiinngitsunut pingasunut pilersaarutip agguarpai:

Nunaminertat sanaartorfiusussaanngitsut

  1. Nunaminertat annertunerusumik sukisaarsartarfiusussat
  2. Illoqarfiup naapeqatigiittarfii nunaannarmi aqqusineeqqani, timersornermi aqqusineeqqanut illoqarfimmilu
  3. sammisassaqarfinnut ataqatigiissillugit

Nuummi nunaminertanut qorsooqinnersaqarfinnut tamakkiisumik pilersaarutitut pilersaarutip inassutigisai sukumiinerusut siunissami kommunimut pilersaarutinik suliaqartarnerni ingerlaavartumik tunngavigineqartassapput.

Nuuk illoqarfiit pingaarnersaanni qorsuttut pilerinartutullu ilisarnaasernissaannut illoqarfiup pinngortitallu akornanni ataqatigiissitsilluni oqimaaqatigiissitsinissaq qulakkeerniarlugu kommunimut pilersaarusiornerup ingerlateqqinneqarnerani taamaattumik ullumikkut kommunimut pilersaarummut nangeqqinnerini tamatuma atatiinnarneqarnissaa kissaatigineqarpoq. Taamaammallu pilersaarutip aalajangersagai maanna kommunimut pilersaarummut pingaarnersiorlugit nuunneqarput.

Kommunimut pilersaarummi matumani allannguut pingaarneq tassaavoq tunngavik ilisaritissallugu, periarfissaqartillugu, nunami misigisassat erseqqissassallugit, sinerissap qaqqallu tikinneqarsinnaanngortinnissaat qulakkeernerisigut.

Tamanna ilaatigut pisimavoq kommunimut pilersaarutip aalajangersagaasa ilaanni sineriak tamaat naleqqussarneratigut, taamaalilluni sineriak sanaartorfigisinnaajunnaarlugu, kiisalu sineriak sinerlugu aqqusineeqqamik ataqatigiissumik pilersitsinissaq siunnersuutigineqarluni. Pilersaarutip ingerlanerani kommuneqarfiup pilersaarutaani sineriak sinerlugu sunngiffimmi nunaminertat atorneqartussat ineriartortinneqarnissaat, tamatumunnga ilanngullugu aqqusineeqqap atorneqalernissaa/takuneqarsinnaasunngortinnissaa, aamma tamatuma illoqarfik aqqusineeqqanut allanut atasunngorlugu pitsaanerusumik ataqatigiitsinnerulernissaa

Siorarsiorfiup ineriartortinneqarnerata Kangerluarsunnguami peqqinnartunik periarfissiineq ammaappaa soorlu aamma sisorarneq, hiisterneq, pisummik angalanerit sikkilillu qaqqakkoorutit il.il periarfissaalissasut. Kangerluarsunnguup tungaanut aqquteqalernikkut kangerluk asilu ammaassiffigineqassapput, angallammillu atuinngikkaluarluni tikikkuminarnerujussuanngussalluni. Peqatigitillugu nunaqarfik Kapisillit kangerlullu Sermilik (Isfjorden) aamma ataqatigiissusilerneqarsinnaapput.