Immikkoortortat allat qitiunneqartut

Illoqarfiup immikkoortui qitiutinneqartut tassaapput nunap immikkoortui, tamaani maannakkut ineriartorfiusinnaasutut oqaluuserisassaasut, aamma kommuneqarfimmit naliliiffigineqartut kommunimut pilersaarusiornissami immikkut pilersaarusiorfigineqarnissamut qitiutinnissamik pisariaqartitsisut. Illoqarfiup immikkoortui qitiutinneqartut maannakkut illoqarfioreersup eqikkarneqarneqarnissaanut ataatsimut pilersaarusiornissamit aallaaveqarpoq. Tulliuttut illoqarfiup qeqqani immikkoortortut qitiutinneqartussatut toqqagaapput:

  1. Imeqarfiup eqqaa – maannakkut imeqarfiusup taamaatikkiartornera apeqqutaatillugu
  2. Nuussuup ’uummaarissarneqarnera’ – Qeqertanut aqqutip pitsanngortinnissaa apeqqutaatillugu
  3. Inuussutissarsiutinut attuumasoq
  4. Qinngorput – maannakkut suliarineqalereerpoq
  5. Sineriak sinerlugu aqqusineeraq – immikkuutaarlugu piviusunngortinneqassaaq

Piffissami aggersumi Qinngutsini suliaqarneq nanginneqassaaq. Qeqertani Atlantikukkoortaatinut umiarsualiviup allineqarnissaa salliutinneqassaaq, tassa angallannermut tunngatillugu aalajangikkat allinninnissamut tamatumunnga attuumatinneqarmata Nuussuup ineriartornissaanut qitiutinneqarlutik aamma inuussutissarsiutinut annertunnut ataatsimoortitsinissamut.

Piffissaq ungasinnerulaartumut tunngatillugu imeqarfiup eqqaani sulissuteqartoqarpoq.