Umiarsualivitoqaq

Umiarsualivimmi illut oqaluttuassartallit Paamiut oqaluttuarisaaneranut pingaaruteqarput. Oqaluttuarisaanermut tunngatillugu illoqarfiup immikkoortuata tamassuma kolonip illoqarfinngoriartorluni ineriartornera ilisarnarsitippaa. Taamaattumik suliaq mannakkut ingerlanneqartoq illoqarfiup eqqanik oqaluttuassartalimmik allanngutsaaliuineq, Umiarsualivitoqqamik aamma kuummi taassumalu paavanik ingerlateqqinneqassaaq.

Illoqarfiup qeqqata oqaluttuassartallip allanngutsaaliorneqarnissaanut oqaatsit pingaarnerit tassaapput qanga, tulluusimaarneq aamma kinaassuseq tamatumunngalu ilutigitillugu takornariaqarnermut periarfissat qitiutinneqarput.

Suliami anguniagaq pingaanerusoq tassaavoq illoqarfimmi aamma ineqarfinni orniginartumik avatangiiseqarnissaq, taamaaliornikkut illoqarfiup pitsaasumik ineriartornissaa tapersersorneqassammat, tamatumunnga ilanngullugu Paamiuni umiarsualivitoqqap pitsanngorsarnissaanik aamma allanngutsaalineqarnissaanik kissaatigisaqarneq, taamaaliornikkut illoqarfiup oqaluttuarisaanera aamma ilisarnaataa ersersinnialugit.

Umiarsualivitoqqamik ineriartortitsinerup avatangiisit assigiinngitsut pitsanngorsassavai, soorlu umiarsualivimmi imarsiornermut tunngasut, nunasiaatillit sanaartugaat, narsaamaneq, nuannattarfik aamma tamatuma eqqaani sanaartukkat.