Inuusutissarsiuteqarfik

Nuuk assortorneqarsinnaanngitsumik Nunatsinni inuussutissarsiornermi qitiusutut inississimavoq. Tamatumani ingammik inuussutissarsiutit annertunerusut assartuinermut, pilersitsinermut aamma assassornermut tunngasut eqqarsaatigalugit. Inuussutissarsiutini taakkunani Nuup inissisimanera tapersersorniarlugu aamma pitsanngorsarniarlugu piffissami ingerlasumi sulissutigineqarniarpoq assartuinermi aamma inuussutissarsiornermi qitiusoq, Qeqertani inuussutissarsiornermut umiarsualivik aamma maannakkut suliffeqarfiit inissisimaffiat Pukuffik aallaavigalugit.

Sumiiffik tamanna tamatuma kingorna – inuussutissarsiornermi tunngavik – tassaassaaq Qeqertani inuussutissarsiornermut umiarsualivik, ikuallaavik nutaaq aammattaaq suliffeqarfiit inissisimaffiat Pukuffik. Tamatumunnga atatillugu pingaaruteqarpoq inuussutissarsiutillit sumiiffiannut nutaamut attaveqaasersuutit annertusarneqarnissaat, taamaaliornikkut inuussutissarsiutinut tunngatillugu angallanneq umiarsualivimmut tamaanngaanniillu pitsaanerpaamik ingerlasinnaassammat. Taamaattumik sulissutigineqarniarpoq Qeqertarniit Sarfaarsuarnut ikaartarfiliornissaq aamma inuussutissarsiuteqarfimmut atatillugu nutaamik aqqusiortoqarnissaa sulissutigineqarniarpoq. Suliffimmiit angerlarnissamut angallanneq pitsanngortinniarlugu Sarfannguani sullorsuaq allineqarniarpoq.