Qiterisaqarfiit ilusaat

Kommunimut pilersaarutip illoqarfiup qitiusoqarfiata pioreersup qitiusoqarfiup, kommuneqarfiup suliffiinut aamma ataatsimut anguniakkanut pilersaarusiornera attatiinnarpaa.

Illoqarfimmi ataatsimoorussat ataatsimut isigalugit inissisimalluarput immikkoortunut marlunnut avinneqarsimallutik. Qoorup paavani umiarsualivimmut atasumi immikkoortumiipput pisiniarfiit, banki, oqaluffik, katersugaasivik aamma sananvik atuarfittalik, suliffeqarfik eqqannguanilu minihali. Illoqarfiup kujammut kitaata nuuani ikerasaap tungaa ataatsimoorussaqarfiup aappaa inissisimavoq pisortanit ingerlanneqartut soorlu kommunip allaffia, katersortarfik aamma napparsimavik kiisalu politeeqarfik qatserisarfillu tamaaniillutik.