Tujuuk aamma Blok P

Silarsuup Qeqqani//Nuup Qeqqani Tuujuup aamma Blok P-p eqqaasa tamakkiisumik pilersaarusiorneqarnerannut tunngasuuvoq. Tamanna suliarineqarpoq Kalaallit Nunaata illoqarfittut pingaarnersaata innuttaasuisalu nutaanik ineriartornissamut periarfissaqarnissaannut kissaateqarnermit aallaaveqarpoq. Illoqarfiit inuit pillugit pilersinneqartarput, aamma illoqarfiup pingaarnerpaatut inissisimaffissaa tassa ataatsimuussusermik tunngavilersitsinissaq, taamatut atugarissaarnermik aamma siuariartornermik pilersitsisinnaasumik.

Ataatsimoortumik pilersaarutip taamaattumik paasiniarpaa qanoq iliornikkut Nuuk sumiiffittut, suliffittut aamma najugaqarfittut suli pitsaanerulersinnaanersoq. PIlersaarutip tamanna saqqummiunniarsaraa apeqqutillugu tamatuma angunissaanut piumasarineqartut eqqortut akiniarsaralugit. Nuup ataatsimut ineriartorneranut illoqarfiup immikkoortua qanoq inissisimasinnaava, aamma illoqarfiup immikkoortuata suut illoqarfimmut aamma illoqarfiup innuttaasuinut neqeroorutigissavai – ataatsimut?

Ataatsimoortumik pilersaarut suliarineqarpoq innuttaasut aamma soqutigisaqaqatigiit ingerlaavartumik oqaloqatigisarnerisigut aamma politikkikkut anguniakkamit aallaaveqarpoq illoqarfiup immikkoortua ineriartortinneqassasoq isikkua aamma inuit avatangiisissai aamma aningaasanik sulisunillu atorluaanikkut sanaartortitsineq immikkut qitiutinnerisigut.

Ataatsimoortumik pilersaarut tunuliaqutaralugu piffissami aggersumi tamatuminnga illoqarfiup immikkoortuanik pilersaarut suliarineqassaaq. Pilersaarutip nunap isikkuanik aamma inuit aneersuartarfiinik qitiutitsiniarpoq immikkuualuttunngorlugit illoqarfiup immikkoortortaanik alliartortitsinermik pilersaaruteqartutut. Pilersaarut nunap qanoq isikkoqarnissaanut siunnersuummik ilaqassaaq, illoqarfiup immikkoortortaata alliartortinnerani arlalinnik nukissiuutitigut aamma avatangiisit pillugit anguniakkanik kiisalu inuit aneersuartarfiinik pilersaarummut siunnersuummik ilaqassalluni.

Aaqqissugaanikkut pilersaarut // Tuujuk aamma Blok-P: strukturplan_tuujukogblokp_dk_kal.pdf