B: Inuussutissarsiuteqarfiit umiarsualiveqarfiillu

Inuussutissarsiuteqarfiit umiarsualiveqarfiillu immikkoortinneqarput. Immikkoortut ilaannut B-nut taakkununnga marluusunut tunngatillugu taakkunanngaanniit aqqusinermut pingaarnermut toqqaannartumik aqquteqartussaavoq.

Inuussutissarsiuteqarfiit (B1)
Nunaminertat inuussutissarsiuteqarfinnut siunertaqartut allafinnut, entreprenøritut ingerlatsinernut, inaalitsivittut quersuartullu, sannavittut, tunisassiorfittut, assartuinertut, suliffissuaqarnertut, inaalitsiveqarnernut, amerlasuunngorlugit pisiortortarfittut teknikkikkullu atortulersuuteqarfittut atorneqarsinnaapput.

Umiarsualiveqarfiit
Nunaminertani umiarsualivinnut siunertaqartuni umiarsualimmilu namminersorluni inuussutissarsiutinik ingerlatanut atugassiissutigineqartuni nunaminertaq umiarsualivinnut, tankeqarfinnut, aalisakkerivinnut, talittarfinnut, amutsivinnut, quersuarnut, inaalitsivinnut assigisaannullu atugassiissutigineqarnissaa aalajangerneqarpoq.

Umiarsualivimmik pilersuisussamik niuertarfiliortoqarsinnaanera akuerineqarsinnaavoq.

Inuussutissarsiuteqarfiit umiarsualiveqarfiillu (B2)
Nunaminertat inuussutissarsiuteqarfinnut umiarsualiveqarfinnulluunniit siunertaqartut allafinnut, entreprenøritut ingerlatsinernut, inaalitsivittut quersuartullu, sannavittut, tunisassiorfittut, assartuinertut, suliffissuaqarnertut, inaalitsiveqarnernut, amerlasuunngorlugit pisiortortarfittut, tankeqarfittut, aalisakkerivittut, talittarfeqarfittut, quersuaqarfittut aamma teknikkikkut atortulersuuteqarfittut teknikkikkullu atortulersuuteqarfittut atorneqarsinnaapput.

Putsumik, nipimik, pujoralammik tipimillu akornutaasinnaasut killilersorniarlugit qanoq iliuuseqartoqassaaq.

Kapitel 5 malillugu suliffeqarfiit
Immikkoortut ilaanni B-ni suliffeqarfiit sumiitinneqarnissaat pillugit piumasaqaateqarfigineqartut pilersinneqarsinnaapput, tassunga ilanngullugit suliffeqarfiit immikkut mingutsitsisut (kapitali 5 naapertorlugu suliffeqarfiit). Pisuni tamani avatangiisinik sunniutaasinnaasunik pitsaaliuisoqartassaaq, tassunga ilanngullugit imikoq, uuliakunik kemikaliakunillu aamma saviminernit eqqakkanut tunngatillugit.
Aammattaaq containerinik, atortunik, atortussanik il.il. inaalitsiviliortoqarsinnaavoq kisiannili immersuiffittut, eqqaavissuartut assigisaattullu atorneqassanngillat.

Inuussutissarsiuteqarfiusuni umiarsuliaveqarfiusunilu nunaminertat sanaartorfigineqanngitsut
Nunaminertat sanaartorfigineqanngitut saligaatsuutinneqassapput. Nunaminertanik atuinerit eqqaamiorisanut ajoqutaappata allatulluunniit atorneqarpata nunaminertat ungaluneqarnissaat kommunalbestyrelsimit piumasaqaatigineqarsinnaavoq.