Arsuk

Arsuk Arsuup kangerluata paavani Paamiuniit 100 km-it missiliorlugit kujasitsigisumi inissisimavoq. Nunaqarfik amitsumi manissumilu sinerissap kujammut sammisuani inissisimavoq. Kuunnaat nunaqarfiup ungataani avannamut aamma avannamut kimmut sammilluni ippoq, nunaqarfiullu kangiani imeqarfeqarluni.

Pingaarnertut iluseq

Inissiaqarfiit

2015-mi 95-nik inoqarpoq ukiorlu 2000-imiit 100-inik inukilliariarluni. Ikileriaatigineqartut arfineq-marlunniit qummut ikioqarput. Nunaqarfimmi 115-it missaannik inissiaqarpoq taakkunannga 20-t missai inoqaratik. Taamaattumik piffissami allilerisoqarnissaa pisariaqanngitsoq nalilerneqarpoq.

Immikkoortut ataatsimoorussat

Nunaqarfiup qiterpasissua siunertanut ataatsimoorussanut atugassanngortitaavoq, tamaaniippullu ilaatigut illu sullissivik, nunaqarfiup atuarfia kiisalu klubbi sunngiffimmullu aaqqissugaq illumut nutaamut nuunneqartussatut pilersaarutaasoq.

Inuussutissarsiuteqarfiit

Inuussutissarsiuteqarfiusut sineriak sinerlugu inissisimapput tamaaniillutillu fabrikki tunitsivik, umiatsianut sannaviit arlallit kiisalu kommunip sanaartornermut suliffeqarfia.

Nunaqarfiup ineriartorfissatuaa aamma amitsumiippoq sinerissap kangimut sammisuani, nunaminertarlu taanna kommunimut pilersaarummi siusinnerusumi pilersaarusiorfioreerpoq. Nunaminertat atugassiissutigineqartut nunaqarfiup umiarsualiviata, inuussutissarsiorfiisa ataatsimoorussallu allilerneqarsinnaanerinut atugassiissutigineqarput. Ataatsimut isigalugit nunaqarfimmi ineriartorfissatut periarfissat naammattutut nalilerneqarpoq, assersuutigalugu immikkoortup takornariaqarnerup iluani ineriartortikkumaneqarneranik anguniakkat eqqarsaatigalugit.

Nunaminertat ataatsimoorussat sanaartorfiunngitsut aamma iliveqarfiit

Nunaminertat ataatsimoorussat tassaapput nunaqarfiup avannamut kangiani nunaminertat sukisaarsarfiusut sanaartorfiunngitsullu, tamaani timersornermut nunaminertaqarpoq timersortarfiliortoqarsinnaanera periarfissaalluni. Iliveqarfik nunaqarfiup avannamut kangiani inissisimavoq nunaminertami ataatsimoorussaqarfiusumi sanaartorfiunngitsumilu taamaalillunilu allilerneqarsinnaanera periarfissaqarluni.

Angallannermut, teknikkimut avatangiisimullu tunngasut

Ullumikkut nunaqarfiup igitat avatangiisimut ulorianaateqarsinnaasut suliarissallugit naammattumik atortussaqanngilaq.

Heliport nunaqarfiup 1,5 kilometerit missaannik kangimut ungasitsigisumi inissisimavoq.