Qiterisaqarfiit ilusaat

Illoqarfiit pingaarnersaattut Nuup illoqarfiata qeqqanut immikkut piumasaqaateqarpoq. Illoqarfiup qeqqata nunap qitiusumik aqutsisoqarfianik sullissisussaavoq, kiffartuussissutillu pingaarnerit pigineqartariaqarlutik, illoqarfimmullu aamma Kommuneqarfik Sermersuumut qitiuffittut pingaarnertut atuuttussaalluni.

Illoqarfiup qeqqani qitiuffiup saniatigut Nuummi katersuuffiit ilusiinut ilaallu illoqarfiup ilaani katersuuffiit marluk kiisalu illoqarfiup ilaani assigiinngitsuni katersuuffiit. Katersuuffiit naatsumik ima eqikkarneqarsinnaapput:

  1. Nuup Illoqarfiata Qeqqa, illoqarfimmut tamarmut katersuuffittut atortoq. Katersuuffiup pingaarnerup iluaniipput Nuup illoqarfiata qeqqa, Nuummi qitiuffiup pingaarneratut atuuffiusoq, illoqarfiullu pisoqartaani illoqarfiup ilaanut qitiuffittut atuuttoq
  2. Qinngorput Qeqqa , illoqarfiup ilaanut Qingutsinnut qitiufittut atuuttoq
  3. Nuussuup Qeqqa, illoqarfiup ilaanut Nuussuarmut qitiuffittut atuuttoq
  4. Kangillinnguit, illoqarfiup ilaanut Kangillinnguanut qitiuffiusoq
  5. Qernertunnguit, illoqarfiup ilaanut Qernertunnguanut qitiuffiusoq
  6. Sarfaarsuit, siunissami illoqarfiup ilassaanut Sarfaarsuit Timaanut qitiuffiusoq
  7. Qinngorput Kujataa, siunissami illoqarfiup ilassaanut Qinngorput kujataatungaani qitiuffiusoq
  8. Siorarsiorfiup Qeqqa, Siorarsiorfimmi illoqarfiup ilaanut illoqarfiup qeqqatut inissinneqartussaq.
  9. Siorarsiorfik Kujataa, siunissami Siorarsiorfiup kujataatungaani lokalcentereqassaaq.

Aaqqissuussinerit pingaarnerit tassaassasut katersuuffik pingaarneq, illoqarfiup ilaani katersuuffiit marluk sumiiffikkaanilu katersuuffiit atatiinnarneqarlutillu ineriartortinneqassasut kommunalbestyrelsip anguniagaraa.