Angallannerup ilusaa

Nuummi angallannerup ineriartorneranut peqqutaanersaapput atugarissaarnerulerneq, iluaqutaasumik nuttarfiunera, illoqarfiullu avataani illoqarfiup ilaanni annertuumik ineriartortitsineq. Taamaalilluni illoqarfimmi qamutit motoorillit amerliartungaatsiarnerannik kinguneqarpoq, illoqarfiullu aqquserngini angallannerup annertusiartungaatsiarnera. Ullumikkut Nuummi qamutit motoorillit nalunaarsorsimasut 3.000-it missaannipput, aqquserngillu pingaarnerit arlallit angallaffiungaatsiaramik artukkerneqartalerput, siuleriiaartoqartalerluni illoqarfiullu avatangiisii ajornerulernerannik kinguneqarlutik.

Illoqarfiup aqquserngini pingaarnerni angallannerulerneq aqquserngit taakku ilusilersornerannut aserfallatsaaliornissaannullu annertuumik piumasaqaateqarfiupput, ukiunilu takkuttussani Nuup illoqarfittut ineriartortinnerani qulakkeerinninnissami unamminartuuvoq, ingiaqatigiisitsilluni alliartortitsineq aqqusinernillu aaqqissuussinerup pitsanngorsarneqarnissaa.

Siorarsiorfimmi sanaartorneq illoqarfiup qeqqanut angallannikkut annerusumik tamaviaarfiusussaavoq aaqqissuussaaneratalu ineriartotinneqarnissaa piumasaqaataaffiussalluni.