Kulusuk

Kommunalbestyrelsip piffissami pilersaarusiorfissami suliassai:

  • Innuttaasut peqataatinnerisigut inissianik iluarsaanerup ingerlaavartumillu aserfallatsaaliuinerup sulissutiginissaa
  • Nunaqarfiup qeqqata katersuuffittut atorneqarsinnaalernissa nunaminertanik nutaanik siunissami ataatsimoorfiusunik inissiinikkut
  • Imeqarfiup ernganik mingutsitsisoqarsimasinnaaneranik misissuinerup aallartisarnissaa, imeqarfik mittarfiup Kulusuullu akornanni inissisimavoq

Kulusuk qeqertap kujataata tungaani inissisimavoq. Mittarfeqarnermigut Kulusuk Kalaallit Nunaata nunarsuullu sinneranut attaveqartitsisuuvoq. Assartuussinermut isumalioqatigiissitap 2011-mi isumaliutissiissutaani mittarfiup Kulusumiit Tasiilamut nuunneqarnissaa inuiaqatigiit aningaasaqarnerat eqqarsaatigalugu imminut akilersinnaasutut nalilerneqarpoq. Nuussineq nunaqarfiup inissisimaneranik allannguissaaq, nunallu immikkoortuani nunaqarfiit allat assigalugit nunaqarfittut inissisimanerulissaaq.

Kulusuk isumaqarpoq ”naajaaqqat”.

Inoqarfimmi inuiaqatigiit ilisarnaataat uani aaneqarsinnaavoq: kulusuk_kal.pdf

Immikkoortut ilaannik allannguineq

Aalajangersakkat annikitsumik iluarsiivigineqarput, ilusaa Inatsisatut inatsisaat nr. 17-imi (pilersaarusiorneq aamma nunaminertamik atuineq pillugu inatsit) , § 20-mut naapertuuttunngorlugit. Aamma nalinginnaasumik aalajangersakkat aalajangersakkanut pingaarnernut sukumiisunut ilanngunneqarput.

Immikkoortut ilaasa killeqarfilerneri arlalitsigut allanngortinneqarput, qulequttanut pingasunut immikkoortinneqarlutik ataatsimoortinneqartunik:

  • Immikkkoortut ilaanik iluarsiineq, immikkoortutut qitiutinneqarlutik toqqakkat kissaatigisatut ineriartortinnissaannut allanngortinnissaannullu tunngavissaqarnissaat qulakkeerumallugu.
  • Sineriak sinerlugu ataqatigiissumik tamanut attaveqaateqarnissaanik tunngaviup qulakkerneqarnissaata malitsigisaanik iluarsiinerit.
  • Nutarterinerit, pingaarnertut aalajangersakkat assigiingitsut pissutigalugit nutarterneqarsimanngitsunik.

Aalajangersakkat nalinginnaasut kommunimi illoqarfinnut, nunaqarfinnut asimullu tamanut atuupput. Aalajangersakkat nalinginnaasuupput aamma najukkami immikkoortut ilaanni pissutsinik eqqarsaatiginnittuunatik. Taamatut aalajangersagaqarnermi siunertarineqartut tassaapput innuttaasut tunngaviusumik aalajangersakkanik assigiinnik aamma illoqarfinni, nunaqarfinni asimilu assigiinnik atugassaqartitsilluni tunineqarnissaat. Aalajangersakkani nalinginnaasuni illoqarfinni tamani tigussaasunik pilersaarusiornerit nunaminertanillu aqutsinerit ataatsimut malittarisassiorneqarnissaat anguniagaavoq.

Immikkoortut ilai

 

loading image
Henter kort...
static-map