Angallannerup ilusaa

Angallanneq eqqarsaatigalugu Paamiunut ilisarnaataavoq amerlasuut pisuinnaasarnerat aamma sikkilertuusarnerat, ilisarnaatip tamatuma piuinnarnissaa kissaatigineqarpoq aamma piffissami pilersaarusiorfiusussami ineriartortinneqarusulluni.

Taamaattumik umiarsulivitoqqap eqqaata angallannikkut iluarsaanneqarnissaata periarfissaqarnera piffissami pilersaarusiorfiusussami misissorneqassaaq, taamatuttaaq aqquserniornissaq illoqarfiup kitaata tungaani inuussutissarsiuteqarfimmut toqqaannartumik atassuteqalernissaq misissorneqassalluni.