Sanaartorfigissaanissamut pilersaarut

Kommunimi inuit, kulturip, aningaasat aamma inuussutissarsiutit ilinniartitaanerlu pillugit pitsaanerpaamik atugassaqartitsinissaq suliassaavoq.

Tamanna tunngavigalugu Kommunalbestyrelsimit Nuup Kommunianik pitsaanerpaamik atugassaqartitsiumalluni anguniakkat ilaattut siuarsagassatut politikkikkut anguniakkatut sanaartorfigissaaffissat toqqarneqarsimapput.

Inissianut, attaveqaatinut, inuussutissarsiutinut sanaartorfigissaasoqassasoq siunnersuutigineqarpoq, aamma pisortat suliffeqarfiutaat siuleeriiaarnissat pinngitsoortinniarlugit pisariaqartitsinernit piumaneqarnernillu siulliussapput.

Sanaartorfigissaanerit suliaapput akisoorujussuit. Taamaattumik kommunimi nunaminertanik sanaartorfissagissagassanik atugassiisarnerit ikilisinniarlugit sanaartorfissagissaanerit akikillisarneqassasut namminersorlutillu inuussutissarsiuteqartut pisortallu aningaasaliinerusalernissaat anguniarneqarpoq. Tassunga tunngatillugu ilaatigut inatsisitigut aporfiusut qulaajaaffigineqarnissaat kissaatigineqarpoq.

Una ”Nuummi 2008 - 2018-imi sanaartorfissagissaanernut immikkoortumut pilersaarut” - Sektorplan for byggemodning (DK) - siunissami sanaartornissanut pilersaarusiornerni aqutsinermut sakkuussaaq pingaarutilik, politikkikkut aammali allaffissornikkut, aamma Nuup Kommuneani imatut siunertaqarluni pilersaarusiornermut sakkussatut atorneqassaaq,

sanaartorfissagissaanerni sannaartornerit pitsaanerpaamik aalajangersaaffigissallugit, taamaalillutik innuttaasut pisariaqartitaat, soorlu inissiat, attaveqaatit il.il. politikkikkut anguniakkanit aalajangersarneqarsimasunit aallaaveqarluni suliarineqarniassammata.

Aningaasaliinissamik pilersaarusiornermut pingaarnersiuinissat aalajangersarlugit (sanaartornernut missingersuutit ingerlatsinernullu missingersuutit maliltsigisaat).