Kommunalbestyrelsip piffissami pilersaarusiorfissami suliassaa:
- Sumiiffimmi inuiaqatigiit imminnut napatittut attakkumallugit periarfissanik paasiniaaneq
Ittoqqortoormiit pinngortitap nammineq ilusaatigut qoorukkut imeqarfiup tungaanoortukkut illoqarfiup immikkoortuinut marlunnut avinneqarpoq. Immikkoortumi kitaaniittumi illoqarfiup annersaa inissisimavoq, umiarsualivik, qiterisaqarfik, inissiaqarfik, teknikkimut inuussutissarsiornermullu immikkoortut. Kangianiittumi inissiaqarfeqarpoq, teleqarfeqarluni, inuussutissarsiuteqarfeqarpoq annikitsumik aamma kommunip teknikkimut immikkoortua tassaniippoq kommunip eqqaavissua ikuallaavillu tamaaniikkamik.
Inoqarfimmi inuiaqatigiit ilisarnaataat aaneqarsinnaavoq uani: ittoqqortoormiit_kal_ny.pdf
Immikkoortut ilaasa allannguiffigineri
Aalajangersakkat annikitsumik iluarsiivigineqarput, ilusaa Inatsisatut inatsisaat nr. 17-imi (pilersaarusiorneq aamma nunaminertamik atuineq pillugu inatsit) , § 20-mut naapertuuttunngorlugit. Aamma nalinginnaasumik aalajangersakkat aalajangersakkanut pingaarnernut sukumiisunut ilanngunneqarput.
Immikkoortut ilaasa killeqarfilerneri arlalitsigut allanngortinneqarput, qulequttanut pingasunut immikkoortinneqarlutik ataatsimoortinneqartunik:
- Immikkkoortut ilaanik iluarsiineq, immikkoortutut qitiutinneqarlutik toqqakkat kissaatigisatut ineriartortinnissaannut allanngortinnissaannullu tunngavissaqarnissaat qulakkeerumallugu.
- Sineriak sinerlugu ataqatigiissumik tamanut attaveqaateqarnissaanik tunngaviup qulakkerneqarnissaata malitsigisaanik iluarsiinerit.
- Nutarterinerit, pingaarnertut aalajangersakkat assigiingitsut pissutigalugit nutarterneqarsimanngitsunik.
Aalajangersakkat nalinginnaasut kommunimi illoqarfinnut, nunaqarfinnut asimullu tamanut atuupput. Aalajangersakkat nalinginnaasuupput aamma najukkami immikkoortut ilaanni pissutsinik eqqarsaatiginnittuunatik. Taamatut aalajangersagaqarnermi siunertarineqartut tassaapput innuttaasut tunngaviusumik aalajangersakkanik assigiinnik aamma illoqarfinni, nunaqarfinni asimilu assigiinnik atugassaqartitsilluni tunineqarnissaat. Aalajangersakkani nalinginnaasuni illoqarfinni tamani tigussaasunik pilersaarusiornerit nunaminertanillu aqutsinerit ataatsimut malittarisassiorneqarnissaat anguniagaavoq.
