Nunami ineriartortitsiviusut

Nuna tamakkerlugu isigissagaanni ersarilluinnarpoq nunassittarneq nuttartarnerlu Kommuneqarfik Sermersuumut pisoq aamma nunap sinneranut atuussimassasoq. Paasineqarmammi Kalaallit Nunaanni taamaallaat nunami ineriartortitsiviit tallimaannaasut. Illoqarfinnit 17-init illoqarfiit anginerusut sisamat – kommuninut nutaanut sisamanut aamma qitiusut – ataaseq eqqaassanngikkaanni illoqarfituaasut piffissami 2001-2015-imut inuttuseriaateqarsimasut:

  • Nunami illoqarfiit anginersaat, Nuuk, 24 %-imik inuttuseriarpoq
  • Illoqarfiit anginersaasa pingajuat, Ilulissat, inuttussutsimigut 8 %-imik amerliariaateqarpoq
  • Sisimiut, nunami illoqarfiit anginersaasa aappaat, inuttussutsimigut 8 %-imik amerleriaateqarpoq
  • Nunami illoqarfiit anginersaasa sisamaat, Qaqortoq, inuttussutsimigut 2 %-imik amerliariaateqarpoq

Assilissap taassuma malunnaatilimmik allaanerussutaa tassaavoq Tasiilaq, Kommuneqarfik Sermersuumi tullertut aamma Tunumi pingaarnertut ineriartortitsiviusoq. Piffissami pineqartumi illoqarfinnit allanit tamanit, Nuuk eqqaassanngikkaanni, sukkanerusumik 19 %-imik inuttuseriarsimasoq. Piffissami pineqartumi illoqarfiit alliartornerpaat marluk – Nuuk aamma Tasiilaq – taamaalillutik Kommuneqarfik Sermersuumi inissisimapput.