Allaffissornikkut periuseq, tassani kommunimut pilersaarummut tapiliussami aalajangersimasunik aalajangersagaqanngilaq.
Aneerasaartarfiit pillugit pingaarnerit:
Illu illup ilusaa, immikkuualuttortai il.il. eqqarsaatigalugit aneerasaartarfiliortoqarsinnaanersoq illussanik titartaasartut tigussaasumik naliligassaraat. Taamaattumik illup inissisimaffianik, titartarneqarneranik, tarrartanittarneranik isigineqarsinnaaneranillu pingaarnertut eqqarsaatiginnittoqartarpoq.
Aneerasaartarfiit nutaat
Aneerasaartarfiit ataatsimoortumik naliliineq malillugu ilusilersorneqassapput, taamaalilluni illup silataa, kusassarneqarnera, qummut sanimullu titarneri illup isikkua taamaatsiinnarnissaa eqqarsaatigineqarlutik. Tamanna aamma aneerasaartarfiit amerlassusiannut aalajangiisuuvoq.