Inuutissarsiutit ilusaat

Illoqarfiup inuussutissarsiutit sumiiffiat aamma teknikkeqarnerup sumiiffia eqqarsaatigalugit inissaqarluarpoq. Sumiiffiit taakku amerlanersaat illoqarfiup kujataata tungani inississimapput aamma annerusumik minnerusumilluunniit ineqarfinnut nigorsimapput. Illoqarfiup umiarsualiveqarfia qooqqup avannaaniippoq illoqarfiup qeqqanut oqaluttuassartalimmut atalluni. Inuussutissarsiutit sumiiffii kujammut allineqarsinnaapput kisianni taamatut alliliinissaq maannakkut pilersaarutaanngilaq.

Akerlianik maannakkorpiaq Tasiilami eqqakkanik passussineq illoqarfiup angissusiannut aamma pingaaruteqassusianut naleqqutinngilaq. Avatangiisit aamma ikuallaasarneq piujuaannartitsinermik tunngaveqarnerulertinneqassapput, ilaatigut sunngiffimmi ornittakkat aamma nuannaariartarfik kiisalu umiarsualivik orniginarnerusutut isikkoqalersillugit. Maannakkorpiaq aaqqiiniarneq sulissutigineqarpoq eqqakkanik immikkoortiterineq, eqiterineq aamma Danmarkimut nassiussisarnermut tunngasoq.