Nunaminertamik atugassiineq

Imm. 1. Nunaminertamik atorneqanngitsumik nunaminertamik atugassinneqarnissamik qinnuteqaateqartoq Kommunalbestyrelsimit atugassinneqarsinnaavoq. Nunaminertamik atugassiinermi nunaminertaq erseqqinnerusumik killeqarfilersugaq aalajangersimasumut atorneqarnissaa nalunaarutigineqartarpoq.

Imm. 2. Nunaminertamik atugassiineq atugassaritinneqartut erseqqinnerusumik aalajangersakkat malillugit tunniunneqartarpoq, takuuk malittarisassat ukununnga tunngasut Atugassaasinnaasut, Piffissaliussat, Paarsinerlunneq, Oqartussat allat aamma Nalinginnaasumik atugassat.

Imm. 3. Sanaartukkanut atortussanut atanilinnut atortussanullu anginerusunut atanilinnut nunaminertanik ataavartumik atugassiisoqarsinnaavoq. Utaqqiisaasumik atuinissaq imaluunniit nunaminertamik atuinissaq piffissami sivikitsumi pineqartillugu, nunaminertanik atugassiinissaq piffissami killilikkami tunniunneqarsinnaavoq.

Imm. 4. Piffissami killilikkamik nunaminertat atugassinneqartut qaammatit pingasut sioqqullugit ilimasaarinikkut atorunnaarsinneqarsinnaapput.

Imm. 5. Nunaminertamik sivikitsumik atuinermi, qaammatini marluunngitsuniluunniit, nunaminertamik atugassiinissamut piumasaqaatitaqarneq ajorpoq. Taamaattorli allakkatigut akuersissummik kommunimut pissarsiniarneqarnissaa piumasaqaataavoq.

Imm. 6. Inissiaqarfinni nunaminertanik atugassiisarnerni illut ataasiakkaat aneerasaartarfillit aamma atasunik atortulersuutitallit, assersuutigalugu tummeqqat aamma imaluunniit namminerisamik biilinut inissiisarfiliat, toqqaviinut nunaminertamik atugassiisoqartarpoq.

Aalajangersakkani sukumiisuni sanaartorfinnik taasisoqarsimanngippat inissiaqarfinni illup toqqavianut, atortulersuutit atasut ilanngullugit, nunaminertamik atugassiisoqartarpoq.