Nunaminertamik atugassiineq

Imm. 1. Nunaminertamik atugassiineq nunaminermik pilersaarusiornerup soqutigisaanut, Namminersorlutik Oqartussat immikkoortunut inatsisaannut, imaluunniit pilersaarusiornermi nunamik pilersaarusiornermut tunngasunik soqutigisanik unioqqutitsisumik peqqusaanngilaq. Nunamik atugassiineq aamma kommunimut pilersaarummut naapertuuttuussaaq, immikkoortup ilaanut pineqartumut aalajangersakkat ilanngullugit.

Imm. 2. Piumasaqaatit taakku malinneqareerpata, nunaminertamik qinnuteqarneq akuerineqassaaq, Kommunalbestyrelsip Inatsisartut inatsisaat § 32 nr. 17 pilersaarusiorneq aamma nunaminertat atorneqarnerannut pillugit Inatsisartut inatsisaat 17. november 2010-meersoq malillugu inerteqquteqarnissamik aalajangiisimanngippat, kingornalu immikkoortup ilaanut pineqartumi nunaminertap atorneqarnissaanik pinngitsoortitsisumik aalajangersaasoqarpat.

Pissutsit pioreersut kinguneratigut allanngortinneqanngippata, tunniussinissamut qinnuteqarnermi § 32-kkut inerteqqutikkut atorunnaarsitsisoqarsinnaanngilaq. Matumani unioqqutitsinngitsumik atuiinnarnissamut tunngavik atuutissaaq.

Imm. 3. Nalunaarutigineqartarnissaanut piumasaqaat Kommunalbestyrelsimit eqqarsaatigineqassanngilaq, kommunimut pilersaarutip naammassinissaanut qulakkeerneqarusuttutut piginnittutut paarlaattoqarsinnaalluni.

Imm. 4. Nunaminertamik atugassiinerup atugassinneqartoq nunaminertap erseqqinnerusumik qanoq atorneqarnissaa pillugu taaneqartut malillugit pisinnaatinneqarpoq.

Imm. 5. Nunaminertamik atugassiineq atugassaritinneqartut erseqqinnerusumik aalajangersakkat malillugit tunniunneqartarpoq, takuuk malittarisassat ukununnga tunngasut Atugassaasinnaasut, Piffissaliussat, Paarsinerlunneq, Oqartussat allat aamma Nalinginnaasumik atugassat.

Imm. 6. Nunaminertaq atorneqaqqussaanngilaq allakkatigut nunaminertamik atugassiineq nalunaarutigineqartinnagu.

Imm. 7. Nunaminertamik atugassiissutit nutaat nunaminertamik oqartussaqarfiup NunaGIS/NIN-imut - Kalaallit Nunaanni Nunaminertanik nalunaarsuiffik - nalunaarsussavai - takuaa linki.

Kommunimi nunaminertanut pisinnaatitaaffiit atuuttut takussutissartai ataatsimoortut kommunimit takutitassanngortinneqarnissaat piniassammat, illoqarfinni nunaqarfinnilu pisinnaatitaaffiit pioreersut pisarialimmik Nunaminertanut oqartussaqarfimmit misissuataarneqarlutillu nutarsarneqartarput.