Oqartussat allat

Imm. 1. Nunaminertamik atugassiineq taamaallat illoqarfiup pilersaarusiorneranut attumassuteqarput.

Oqartussat allat akuersissutaat, sanaartornissamut akuersissut ilanngullugu, immikkut qinnutigineqartassapput.

Imm. 2. Kommunalbestyrelsimit nunaminertamik atugassiinermut atatillugu oqartussat allat akuersissutaat pisariallit, akuersissutilluunniit nunaminertamik atuilinnginnermi pissarsiarineqartussat, sanaartornissamut akuersissut, assaanissamut akuersissut kuuffissuarnut, innaallagissamut, imermut, kiassarnermut aammalu tele-p attaveqaataanut il.il. akuersissutit ilanngullugit, ilisimatitsissutigineqassapput.

Imm. 3. Nunaminertamik atugassinneqartup nammineq akisussaaffigivaa akuersissutit pisariaqartinneqartut qinnutiginissai, akuersissutit assigisaallu ilanngullugit, Kommunalbestyrelsimit nunaminertamik atugassiinermi oqartussat ataasiakkaat akuersissutaannik piniarnissamik ilisimatitsisoqaraluarpalluunniit.

Imm. 4. Nunaminertap atortussanngornissaa nallertinnagu, oqartussanit akuersissutit pisariaqartut pissarsiarineqaqqaassapput.