Qiterisaqarfiit ilusaat

Maannakkut Tasiilami qitiusoqarfiit illoqarfiup avannaata tungaani inississimapput, tamatumani aallaaviulluni illoqarfiup qeqqa oqaluttuassartalik, taanna ullumikkut illoqarfimmi qitiusoqarfiit marluusut aapparaa. Illoqarfiup ilaa taanna umiarsualivimmiit qummut sivingarngit ivigallit atuarlugit ingerlavoq. Illoqarfiup ilaani tassaniipput illut “Angmassalimmi ajoqersuiartortitat niuertoqarfiullu” 1890-ikkut naalerneranni pilersinneqarneraneersut. Illoqarfiup ilaa tamanna eriagisassanut ilaavoq sukumiinerusumik allaaserineqarpoq immikkoortumi illoqarfiup immikkoortui eriagisassat. Illoqarfiup ilaani tamaani pisortat suliffeqarfii arlallit inississimapput.

Qitiusoqarfiup aappaa illoqarfiup avannaata tungaaniippoq illoqarfiullu qitiusoqarfiata oqaluttuassartallip avannamut kitaani inississimalluni. Tamaanga inissineqarsinnaapput illoqarfimmi ingerlatsivissat sanaartornikkut illoqarfiup qitiusoqarfianut oqaluttuassartalimmut angivallaartut. Ingerlatsiviit arlallit soorlu atuarfik, timersortarfik, napparsimavik aamma Pilersuisoq sumiiffimmi maanna inississimareerput.

Illoqarfiup ilaata kujataata tungaaniittup alliartortinneqarneranut atasumik kommunimut pilersaarummi matumani qitiusoqarfissaq nutaaq toqqarneqarpoq, sisorarluni majuartarfiup aamma arsaattarfiup eqqaa aallaavigalugu. Tamaanngaannit illoqarfiup ilaa kujasinnerusoq ilaatigut sullinneqassaaq.