Kulusuk

2015-p aallartinnerani nunaqarfimmi najugaqavissut 240-iupput, piniariartarfimmiittut ilanngullugit. Ukiuni kingullerni inuttussutsimigut appariartorfiuvoq naatsorsuutigineqarporlu taamaaginnanngikkuni inuttussuseq aalaakkaanerulissasoq.

Pingaarnertut iluseq

inissiaqarfiit

Ilaqutariinnut ataatsinut illut 152-iupput, taakkunannga 25-t inoqanngitsut, tassalu 17 %-it.

Nunap ilusaata kujammut-kangimut avannamut kimmullu appariarneratigut nunaqarfik avinneqarpoq.

Inuttussutsikkut aamma inuussutissarsiutitigut ineriartorneq tunngavigalugu kommunalbestyrelsimit nalilerneqarpoq, aamma inissiaqarfissatut atugassanngortillugit pigineqareersut akornanni suli sanaartorfissaqareernera pissutigalugu, Kommunalbestyrelsimit nalilerneqarpoq Kulusumi inissiaqarfittut siunertalimmut nunaminertamik atugassiisoqarnissaa pisariaqartinneqanngitsoq.

Inissiat iluarsaanneqarnissaat aserfallatsaaliorneqarnissaallu kissaataavoq – innuttaasunik peqataatitsinikkut.

Immikkoortut ataatsimoorussat

Umiarsualiviup eqqaani nunaqarfiup qiterpasissuaniittut aamma qoorortaq siunertanut ataatsimoortussanut atugassanngortitaapput. Umiarsualivimmut qaninnerullutik ipput pisiniarfik, lagerit, qerititsivik, allakkerivik, banki aamma tankeqarfik, kujammut kangianiillutik peqqissaasoqarfik, kommunip allaffia, innaallagissiorfik aamma atuarfik. Illu sullissivik, qatserisarfik oqaluffillu umiarsualiviup avannamut kitaaniipput.

Ataatsimoorussassat nutaat qiterpasissumi inissinneqassapput, taamaalilluni nunaqarfiup qeqqa nunaqarfimmi katersuuffittut inissisimalissammat.

Inuussutissarsiuteqarfiit

Kulusuk immikkoortumi nunaqarfinnit anginersaavoq, Kulusuullu qanittuani mittarfeqarneratigut ineriartortitassat pillugit immikkut iluaqutissaqarpoq, sanalukkanut takornariaqarnermullu atatillugu. Mittarfik Tasiilamut nuunneqassagaluarpat Kulusuk taakku pillugit iluaqutissaqarunnaassaaq.

Nunaminertat ataatsimoorussat sanaartorfiunngitsut aamma nunaminertat sukisaarsarfiusut

Iliveqarfitoqqat pigiinnarniarneqarput taamaattumillu iliveqarfik nutaaq peqatigalugu nunaminertamut sanaartorfiunani ataatsimoorussaqarfiusumi inissinneqarlutik.

Allanngutsaaliugassatut soqutigisat

Kulusummi 1909-mi atuarfik oqaluuffiuutigisoq sananeqarpoq. Nunaqarfimmi eqqaaniluunniit illunik illukunilluunniit allanngutsaaliugassanik misissuisoqanngilaq.

Angallannermut, teknikkimut avatangiisimullu tunngasut

Mittarfik nunaqarfiup kangiani 3 kilometerit missaannik ungasitsigisumi inissisimavoq.

Kulusuk mittarfimmut atortuinullu kangimoortumik 2 kilometerit missiliorlugit takitigisumik aqqummik atassuteqarpoq. Aqqut nunaqarfiup imeqarfianut immikkoortukkoorpoq taamatullu aamma najugaqarfiup iluaniilluni. Qamuteralammik mittarfiup Kulusuullu akornanni ingerlanermi imeqarfimmut killeqarfiup iluatigut ingerlaneq pinngitsoortinneqarsinnaanngilaq. Taamaattumik uuliamut tankinik immiineq imermut imerneqartartumik mingutsitsisinnaanera misissorneqartariaqarpoq, aamma, taamaattoqarsimappat, ikiorsiissutaasinnaasunik misissuisoqartariaqarpoq taamatullu uuliamik mingutsitsisoqassagaluarpat imermik pilersuinerup attatiinnarnissaa pillugu periarfissarsiortoqartariaqarluni.

Aqqut aqqusineeqqaallu 3,5 kilometerit missaannik isorartussuseqarput qaqqallu majuartarfii 25 meterit.

Kulusumi umiarsualivimmiipput nunaqarfiup umiarsualivia aamma umiarsualivimmut atasoq tunisassiorfik. Nunaqarfiup umiarsualivia 2,5 meterinik talittarfeqarpoq 2,5 meterinik itissusilimmi.

Umiarsualiviup allineqarnissaa massakkut pilersaarutaanngilaq. Sikunut tunngatillugu umiarsualivik inissinnerlutaavoq. Ungasinnerusoq isigalugu taamaattumik nutaamik sikunut tunngatillugu pitsaanerusumik inissitamik umiarsualiviliortoqarnissaa kissaatiginarpoq.

Kulusuup mittarfiata eqqaani 30 meterit missaannik takitigisumik talittarfeqarpoq 4 meterit missaannik tamanna ititigivoq.

Nunaqarfik nunaqarfiup qiterpasissuani inissisimasumit innaallagissiorfimmit innaallagissamik pilersorneqarpoq. Innaallagissiorfik piffissami pilersaarusiorfiusumi allineqarnissaa pisariaqartinneqanngilaq.

Imermik pilersuineq nunaqarfiup kangiani tatsimit pivoq, erngup aqqutaatigut aamma ukiumi imermut tankimit imertartarfilimmit. Taseq imeqarfik kaajallallugu pallittaalisamik killeqarfeqarpoq.

Kulusuk tatsip imeqarfiup kitaani inissiaqarfeqarpoq, imikoorutillu tassanngaanniit imeqarfimmut kuutsinneqarnera ajornartorsiutaavoq. Ajornartorsiut taanna piffissap pilersaarusiorfiusup uliani iluarsiivigineqassaaq.

Aamma tankeqarfiup pioreersup eqqaa 50 meterit missiliorlugit killeqarfilerlugu aalajangersarneqassaaq.

Imikoorut qasertoq nunamut kuutsinneqartarpoq. Eqqakkanut anartarfilerinermilu aaqqissuussinerit eqqaavittalerlugit pigineqarput.