Nunagissaaneq toqqaviillu portussusissaat

Sanaartukkat nutaat nunaminertaareersumut sapinngisaq tamaat naleqqussarneqassapput. Sanaartornerup teknikkikkut aningaasatigullu imminut akilersinnaasumik naammassineqarnissaanut pisariaqartinneqartumik taamaallaat nunagissaasoqassaaq. Nutaanilli sanaartortoqartillugu sumiiffik imertaajarneqarsinnaaniassammat nunagissaasoqarnissaanik kommunalbestyrelse piumasaqaateqarsinnaavoq. Nunap nammineq pissusiata tamanna ajornartinngippagu naqqup iluanik taamaallaat aaqqissuussisoqarsinnaavoq.

Init allersaasa nunap qaaniinnissaat qulakkeerniarlugit toqqaaviit pisariaqartinneqartumit portunerutinneqassanngillat.
Nunaqarfinni toqqaviit illoqarfinni toqqavinnit portunerusinnaapput, aputaajaasarnerit ajornakusoornerusinnaammata.

Toqqaviit qisuit sukarsuillu ersariinnartut, assiaqusersorneqassapput qalipanneqarlutillu. Nalinginnaasumik illussamik titartaasarnermut tamanna ilaassappat, maanngaanniit immikkut akuersissuteqartoqarsinnaavoq. Ataasiakkaani betonimik toqqavilersuinissaq aamma sukanik iikkatut silarlertut qalliinissaq piumasarineqarsinnaavoq, sanaartornermi illuliortaatsimi kusanassuseq kissaatigineqartoq pillugu.