Paamiuni qitiusoqarfik avannamut blokkinik killeqarpoq, kujammut Umiarsulivitoqqamik aamma kuummik. Qitiusoqarfimmiipput pisortat suliffeqarfii kangimut atuarfik tamaani qitiulluni, tamaaniipput aamma pisiniarfiit kiisalu illut assigiinngitsut kitaanillutik. Illoqarfiup immikkoortuani tamaani nunaminertat atorneqanngitsut ilisarnaataapput.
Piffissami aggersumi illoqarfiup immikkoortuani tamarmi kusassaanissaq sulissutigineqassaaq, tamatumani allaavigineqassaaq sumiiffimmi malunnaatillit assigiinngitsut. Tamatumunnga ilutigitillugu illoqarfiup qeqqata aamma inissiat avannamut Umiarsualivitoqqamut aamma kuuk sinerlugu qorsooqqittoqarfimmut atalernissaat qitiutinneqassaaq. Sulinermi qitiutinneqarniarput nunaminertat aneersuartarfiit pitsanngorsarnissaat aamma tamatuma aqquteqarnerata pitsanngorsarneqarnissaa.
