Paamiut

Paamiut piffissami 2000-miit 2011-p tungaanut 16 %-imik inukilleriarpoq. Taamaalillunilu 2011-mi illoqarfimmi inuit 1.596-iupput. Illoqarfiup innuttaasut illoqarfimmiitiinnarnissaat pillugu assut unammilligassaqarpoq, pilersaarusiornerullu ingerlateqqinnerani eqqartorneqassaaq illoqarfimmiit nuuttut qanoq ikilisinniarneqassanersut. Inuttussutsikkut 1980-ikkut qiteqqunnerini amerlanerpaaffeqarpoq, tamatumalu kingorna ikiliartuinnarsimallutik. Inuttussutsimigullu appariartuinnarnissaa ilimanarsinnaavoq. Aappaatigulli Paamiut illoqarfiuvoq ajornartorsiuteqartoq, aammali isumalluarnartoqarpoq inuussutissarsiornerup takornariaqarnerullu iluani ineriartortitassaqqissut periarfissaalerneri ilutigalugit.

Immikkoortut taakku illoqarfiup ineriartortinneqarnissaanut periusissamik, qulequttanik Paamiunilu qitiutinneqartussanik imaqarpoq.

Inoqarfimmi inuiaqatigiit ilisarnaataat aaneqarsinnaavoq uani: paamiut_kal_final.pdf

Immikkoortut ilai

Aalajangersakkat annikitsumik iluarsiivigineqarput, ilusaa Inatsisatut inatsisaat nr. 17-imi (pilersaarusiorneq aamma nunaminertamik atuineq pillugu inatsit) , § 20-mut naapertuuttunngorlugit. Aamma nalinginnaasumik aalajangersakkat aalajangersakkanut pingaarnernut sukumiisunut ilanngunneqarput.

Immikkoortut ilaasa killeqarfilerneri arlalitsigut allanngortinneqarput, qulequttanut pingasunut immikkoortinneqarlutik ataatsimoortinneqartunik:

  • Immikkkoortut ilaanik iluarsiineq, immikkoortutut qitiutinneqarlutik toqqakkat kissaatigisatut ineriartortinnissaannut allanngortinnissaannullu tunngavissaqarnissaat qulakkeerumallugu.
  • Sineriak sinerlugu ataqatigiissumik tamanut attaveqaateqarnissaanik tunngaviup qulakkerneqarnissaata malitsigisaanik iluarsiinerit.
  • Nutarterinerit, pingaarnertut aalajangersakkat assigiingitsut pissutigalugit nutarterneqarsimanngitsunik.

Aalajangersakkat nalinginnaasut kommunimi illoqarfinnut, nunaqarfinnut asimullu tamanut atuupput. Aalajangersakkat nalinginnaasuupput aamma najukkami immikkoortut ilaanni pissutsinik eqqarsaatiginnittuunatik. Taamatut aalajangersagaqarnermi siunertarineqartut tassaapput innuttaasut tunngaviusumik aalajangersakkanik assigiinnik aamma illoqarfinni, nunaqarfinni asimilu assigiinnik atugassaqartitsilluni tunineqarnissaat. Aalajangersakkani nalinginnaasuni illoqarfinni tamani tigussaasunik pilersaarusiornerit nunaminertanillu aqutsinerit ataatsimut malittarisassiorneqarnissaat anguniagaavoq.

Immikkoortut ilai

 

loading image
Henter kort...
static-map