Tasiilaq

Tunu nunami immikkoortoq ataatsimoortoq:

Immikkoortumi tassani 2015-mi 3.500 najugaqarput, taakkunannga Tasiilami 2.100-it missaanniittut Ittoqqortoormiinilu 425-it. Tasiilap eqqaani nunaqarfiit tallimat tamarmik toqqaannartumik uuttorlugit 60 km-it missaata iluaniipput, Ittoqqortoormiit 800 kilometerinik avannarpasinnerusumiilluni. Inoqarfiit taakku arfineq-marluk kommunimi ataqatigiinnerpaajupput Tasiilarlu allaqqunneqarsinnaanngitsumik ineriartorfiuvoq.

Tasiilaq ineriartortitsivittut

Nunap immikkoortua ataatsimut isigalugu 1977-imiilli 20%-it missiliorlugit inuttuseriarsimavoq, Ittoqqortoormiini nunaqarfinnilu tamani, Sermiligaaq pinnagu, ikileriaatinut naapertuuttut Tasiilami amerleriaatigineqarput. Inoqarfiit taakku arfineq-marluk nunassittarneq eqqarsaatigalugu ataatsimut iluseqarput, arlaanni allannguutit immikkoortumi allami sunniuteqarsinnaallutik. Ittoqqortoormiit eqqaanni nunaqarfiit atorunnaarsinneqarnerisa kingorna illoqarfik taanna annerusumik Tasiilamut samminerulersimavoq taamaalillunilu unammilligassanik Tunumi kujasinnerusumiittutulli unammilligassaqarluni. Ataatsimut isigalugu Tasiilaq nunap immikkoortuani pingaarnertut illoqarfiunissaata pingaaruteqaleriartornera tassuuna paasineqarsinnaavoq.

Nunap immikkoortuani tassani inuttusiartornerup periarfissartaasa innarliinngitsumik suliarineqarnissaat unammilligassaavoq, inuuniarnikkut inuussutissarsiornikkullu naammattumik periarfissiissussanik qulakkeerinnittumik. Tasiilami sullissinerup qaffanneqarnissaa peqatigitillugu pisariaqariaqarpoq, nunaqarfinni eqqaanilu naammaginartumik sullissisoqaannassappat – Ittoqqortoormiit ilanngullugit – ataatsimoortumik.

Innuttaasut 2000-2011-mut agguataarnerat ineriartornerallu pillugit diagrami
X-rtalik: Kommunimi ataatsimut innuttaasunit inoqarfiup inui
Y-talik: Inoqarfiit inuttusinerat imaluunniit – procentinngorlugit ikiliariaataat
Titarneq allalik: Kommunip ataatsimut inuttuseriarnera

Tasiilaq Tunumi ineriartortisiviuvoq

Ukiuni kingullerni 30-ni illoqarfik namminersornerulernerup eqqunneqarnerata kingorna inuttussutsimigut amerleriaateqarpoq, Nuummut assersuunneqarsinnaasunik. Illoqarfik 1977-imiilli marloriaammik inuttuseriarpoq, taamatullu ineriartorneq siunissami taamaaginnarnissaa ilimanarluni. Nuummut assersuukkaanni illoqarfik inuuniarnikkut assut unammilligassaqarpoq suliffiillu ikiliartuinnartut.

Tamanna tunngavigalugu ersarippoq illoqarfiup Tunumi ineriartortitsivittut toqqarneqartariaqarnera. Taamaattumik illoqarfimmut atorneqartut tamarmik ungasinnerusoq isigalugu aamma attanneqarsinnaasumik ineriartortitsiuarnissaq eqqumaffigineqassapput. Taamaattumik sulissutigineqassaaq:

  • Sumiiffimmi inuuniarnikkut unammilligassat suliarineqartarnissaat aamma illoqarfik ineriartorfiujuartoq aallaavigalugu
  • Takornariaqarnermi inuussutissarsiornernermilu ineriartortinneqarsinnaasut illoqarfik qiteralugu ineriartortinneqarsinnaanerisa periarfissarissaarnerulernissaat
  • Illoqarfiup ungasinnerusoq isigalugu ineriartortinnissaanut periusissaq suliarineqassaaq, piviusorsiortumik ineriartortinneqarsinnaasunik toqqaasoqarluni
  • Illoqarfioreersoq periarfissaatigut eqitertinneqassaaq
  • Illoqarfiup naammattumik aamma pilerinartunik inissiaqarfeqarnissaa

Periusissaq taanna siullertut ungasinnerusoq isigalugu kommunimut pilersaarusiornermi illoqarfiup ineriartortinnissaanut periarfissat piffissaqarluarnilu suliaqarnermik kinguneqassaaq, pilersaarusiat illoqarfiup inissisimaneranut qaffaataasussat ilanngullugit – mittarfiup inissinnissaa aamma ilinniarfiit inissisimaneriniit illoqarfiup qeqqanik aamma inissiaqarfinnik qaffassaanernut aalajangiinerit tamarmik.

Tasiilap Tumi ineriartortitsivittut aamma Tunumi inuussutissarsiutinut ilinniarfinnut takornariaqarnermilu qitiusutut ineriartortinnissaa imatut tunngavilerneqassaaq:

  • Ilinniarfissanik neqeroorutit nukittunerulersillugit (assersuutigalugu ilinniarnertuungorniarfik, takornariaqarneq pillugu inuussutissarsiutinut qaffasissumik ilinniarfik, inuusuttunut ilinniarfiit imaluuniit efterskole) aamma nunap immikkoortuani atuuffiit (soorlu aallarnisaaffik aamma nunap immikkoortuani orninneqarsinnaasumik ineriartortitsineq)
  • Takornariaqarnermik inuussutissarsiuteqarneq nukittorsarumallugu illoqarfiup avatangiisaanik qaaqquserpalaartumik ineriartortitsineq
  • Mittarfiup Kulusumiit Tasiilamut nuunneqarnissaanik sulissuteqarneq