Nunaminertat sanaartorfigineqanngitsut

Illoqarfinni nunaqarfinnilu nunaminertat sanaartukkanut atortulersuutinulluunniit atorneqanngitsut aamma siunertanut allanut nunaminertanik atugassiinernut ilaatinneqanngitsut nunaminertatut sanaartorfigineqanngitsutut aqunneqassapput. Nunaminertat sanaartorfigineqanngitsut attorneqassanngillat pinngortitatullu isikkoqartiinnarneqassallutik, saligaatsuutinneqarlutik, atortulersuutitaqaratik, inaalitsivigineqaratik eqqagassaqaratillu. Eqqakkanik ikuallaasoqartassaaq aamma nunaminertanik sanaartorfigineqanngitsunik atuinerit allanut akornutaassanngillat.

Nunaminertanut sanaartorfigineqanngitsunut kikkulluunniit pisinnaanissaat qulakkeerneqassaaq.
Nunaminertat sanaartornernut atortulersuinernullu atorneqarallarsimasut ilusaattut ilerseqqinneqassapput pinngortitatullu isikkoqartinneqarlutik.
Nunaminertat sanaartorfigineqanngitsut sumiiffiup avatangiisaanut illoqarfimmilu isikkunut naleqquttunngorlugit ilusilersorneqassasut kommunalbestyrelse aamma piumasaqaateqarsinnaavoq.
Namminersorluni inuussutissarsiuteqarnernut atasut nunaminertat sanaartorfigineqanngitsut qinnuteqaatigineqareerlutik atugassiissutigineqareerpata tamakku 1,8 meterisut portutigisunik ungaluukkersorneqassapput. Tamakku qisuussapput ungerutissiaallutilluunniit. Nunaminertamik atuineq avatangiisinut navianaataasorineqarpat ajoqutaasorineqarpalluunniit ungaluukkersuisoqarnissaa kommunalbestyrelsimit piumasaqaatigineqarsinnaavoq.

Inissiat eqqaanni naatsiiviit /nunaminertat sanaartorfigineqanngitsut portunerpaaffimmikkut 1,2 meterisut portutigisunik qisunnik ungaluukkerneqarsinnaapput imaluunniit portunerpaaffimmikkut 1,8 meterisut portutigisunik ungerutissianik ungaluukkerneqarsinnaapput.