O: Immikkoortut ilaat sanaartorfigeqqusaanngitsut

Immikkoortut ilaat sanaartorfigeqqusaanngitsut sanaartugartaqannginnertik atortulersuutitaqannginnertilluunniit imaluunniit sanaartugartaqanngilluinnangajannertik atortulersuutitaqanngilluinnanngajattutullu ilisarnaateqarput. Taamaalilluni immikkoortut ilaanni O-ni sunngiffimmi illuaqqiortoqassanngilaq, aasarsiortarfinnik illuliortoqassanngilaq, namminersorluni inuussutissarsiuteqarfinnik illuliortoqassanngilaq atortulersuusertoqassanngilarluunniit. Immikkoortup ilaata pingaarnertut atorneqarnera allanngortinnagu aamma amerlassusiisa tamanna allanngortinngippassuk taamaallaat piniariartarfinnik aniguiniartarfinnillu illuaqqiortoqarsinnaavoq.

Immikkoortut ilaat O-t imatut agguataagaapput:

  • O1: Immikkoortut ilaat ivigartorfissatut atugassiissutigineqartut
  • O2: Immikkoortut ilaat atorneqanngitsut
  • O3: Asi

O1: Ivigartorfissat
Immikkoortut ilaat uumasuutit soorlu savat, tuttut, hiistit, nersussuit assigisaasaluunniit ivigartorfissaattut atugassiissutigineqartut aamma nunaminertanik atuinerit sakkortummata immikkoortup ilaata pingaarnertut isikkuanik allanngortitsinngitsut sanaartorfigineqassanngillat.
Kommuneqarfik Sermersuumi immikkoortut ilaannik ivigartorfissanik (O1) atugassiisoqanngilaq.

O2: Immikkoortut ilaat atorneqanngitsut
Immikkoortut ilaat atorneqanngitsut attorneqannginnertik attorneqanngingajannertilluunniit aamma sanaartugartaqannginnertik atortulersuuteqannginnertillu ilisarnaatigaat. Nalinginnaasumik immikkoortut ilaat atorneqanngitsutut aamma asimi arlaannik iliuuseqarnissanut tamanut nunaminertamik 5 km-isut annertutigisumik sillimaffissartallit atugassiissutigineqartarput.

O3: Asi
Asi pinngortitaqarfiuvoq attorneqanngitsoq minnerpaamillu nunaminertamit qanoq iliuuseqarnissamit 5 km-isut ungasitsigisumiippoq. Qanoq iliuuseqarnissat tassaasinnaapput:

  • Illoqarfiit nunaqarfiillu.
  • Sunngiffimmi illuaraqarfiit illunillu aasarsiortarfeqarfiit.
  • Immikkoortut ilaat immikkut sukisaarsarnermut atortussat.
  • Immikkoortut ilaat savaateqarfittut, nunaleriffittut, imarmiunik tunisassiorfittut, orpinnik piiaaffittut, qeqertatut qimmilivittut il.il. atugassiissutigineqartut.
  • Teknikkikkut atortulersuutinut, attaveqaatinut il.il. immikkoortut ilaat.
  • Aqqusineeqqat aamma aqqusialiat annikinnerusut qanoq iliuuseqarfiusinnaasutut isigineqanngillat.