Boligområder

Blandet bolig

Immikkoortoq akulikitsunut pukkitsunullu illuianut aamma quleriiaannut inissianut kipparissunut ataatsimoortitanut, blokkinut imaluunniit inissianut portusuunut immikkoortitaavoq. Immikkoortumi utoqqarnut, inuit innarluutilinnullu inissialiortoqarsinnaavoq aamma kolligialiortoqarsinnaavoq. Immikkuualuttoq A-mi init quleriit allersaat sullissivinnut ingerlatsinernut ataasiakkaanut soorlu suliffeqarfinnut, peqatigiiffinnut ininut, kiffartuussinermik inuussutissarsiortunut aamma pisiniarfinnut atorneqarsinnaapput.

Nunaminertap ilaa inissiaqarfiuvoq. Nunaminertaq 8,2 ha-it missaannik annertutigaaq.

Immikkuualuttuni A, B aamma C-mi 400 miss. inissialiortoqarsinnaavoq. Sanaartukkat nutaat nunap assingani ilanngussami 3-mi sanaartorfissani takutinneqartut sanaartornissamut killiliussat marluk iluini sanaartorfissami 4-mi kisimi inissinneqassapput. Immikkuualuttup A-p iluani inissiani pioreersuni piginnittunut sanaartorfissat qaleriineri peqqutaallutik nutaanik sanaartornissamik periarfissaqarpoq. Immikkuualuttoq A: Sanaartorfissani 1,5 aamma sanaartorfissaq killinga 4A-mi nutaanik init quleriit tallimat tikillugit sanaartortoqarsinnaavoq aamma portunerpaaffissaa immap qaavaniit 60 meteriussaaq. Sanaartorfissani 2 aamma 3-mi nutaanik init quleriit qulit tikillugit sanaartortoqarsinnaavoq aamma portunerpaaffissaa immap qaavaniit 80 meteriussaaq. Sanaartorfissani 7-mi aamma 4B-mi sanaartorfissap killinga nutaanik init quleriit arfinillit tikillugit sanaartortoqarsinnaavoq aamma portunerpaaffissaa immap qaavaniit 65 meteriussaaq. Nutaanik sanaartornermi illut saavisa inissititerneri ilanngussaq 3-mi takutinneqartoq malinneqassaaq. Sanaartorfissaq 4-mi taamaallaat sanaartorfissaq killinga 4A-mi aamma 4B-mi atugassinneqarsimasut iluanni nutaanik sanaartortoqarsinnaavoq. ilanngussaq 3 malillugu Immikkuualuttoq B: Illuliorneq blokkitut takisuutut avannaatungaani annerpaamik arfinilinnik quleriittut aamma kujataatungaani annerpaamik sisamanik quleriittut ilusilerneqassaaq, illu sinerlugu illup qaliaa minnerpaamik 7 gradinik sivingasuusaaq. Immikkuualuttoq C: Nutaamik sanaartornermi quleriit arfineq-pingasut angullugit portutigisumik illuliortoqarsinnaavoq. Immikkuualuttoq D: Immikkuualuttuni A, B aamma C-mi sanaartortoqareerpat Immikkuualuttoq D-mi nutaamik sanaartortoqarsinnaalissaaq. Taamaattorli immikkut kommunimut pilersaarummut tapiliussami tamatumunnga sukumiisumik aalajangersaasoqassaaq. Quleriinnut tunngasuni tamani immikkuualuttuni A, B aamma C-mi ini naqqarleq quleriinni siulliuvoq.

Immikkoortumi nunaminertaq 8,1 ha. missaannik annertussuseqarpoq.

Immikkoortoq Kissarneqqortuunnguamiit aqquteqartinneqassaaq, ilanngussaq 3 malillugu. Eqalugalinnguit Kissarneqqortuunnguullu akornanni aqqusinernut pisuinnarnut aqqusineqq attaviliisoq, sumiiffimmut tulluarsarlugu imatut ilanngunneqassaaq, atorneqaannarnissaa ingerlanneqassasoq toqqaannartumik attaveqaataanerata ingerlatiinnaarneqarnissaa qulakkeerlugu. Pisuinnaat aqqutaat ukioq kaajallallugu atorneqarsinnaassaaq.

Immikkut eqqarsaatigisassartaqanngilaq

Immikkoortup ilaa imeqarfimmut killeqarfimmut ilaavoq. Nunaminertaq imeqarfimmut killeqarfiup iluaniittoq sanaartorfigineqassanngilaq imermik mingutsitsisoqaratarsinnaanera pillugu.

Kissarneqqortuunnguaq sinerlugu sumiiffik nutarterneqarpoq. Immikkuualuttumi A-mi illut pioreersut allanngorteqqusaanatillu ilaqqusaanngillat nutaanillu quleriinnik sanaartornikkut taarserneqassallutik.