Boligområder

Blandet bolig

Sumiiffik ilaqutariinnut ataatsinut affarleriittulluunniit imaluunniit illuttut uilukutsukkuutaatut imminnut qanittutut pukkitsutullu illutut ammasutut, pukkitsutut isikkulittut inissianut siunertanut atugassiissutigineqarnissaa aalajangerneqarpoq.

Nunaminertaq tamarmi inissianik sanaartorfiuvoq. Nunaminertaq 6,4 ha-it missaannik annertutigaaq aamma 70 missaannik inissiat.

Sanaartukkat ammasut-imminnut qanittut ataatsimik quleriinngorlugit aamma sanaartukkat imminnut qaniuttut-pukkitsut 2-inik quleriinngorlugit sanaartorneqarsinnaapput. Sanaartukkat nutaat sanaartugaareersut ilusilersorneqarnerannut, atortulersorneqarnerannut qalipaasersorneqarnerannullu naleqqussarneqassapput.

Sumiiffik tamakkerluni sanaartorfigineqareerpoq sinneruttumillu inissaarulluni.

Sumiiffik Gertrud Rasksvej-mit aamma H.J. Rinksvej-imit aqqusineqarpoq.

B-141, B-146, B-156, B-804 aamma B-812 erigiasarialiupput. Illut taakku kommunalbestyrelse akuersiteqqaartinnagu isaterneqassanngillat silataaluunniit allanngortiterneqassanngillat. Illoqarfiup kitaa tungaa eriagisariaqartutut toqqarneqarsimavoq (§3 malillugu sumiiffik). Taamaattumik nunap naasullu qanoq issusii apeqqutaatillugit inissiamut ataatsimut attuumassutilimmik biilinut inissiisarfiliornissamut nunaminertamik atugassiinissaq itigartitsissutigineqarpoq.

Mittarfiup eqqaani nunaminertat piumasaqaatitaqarfiusut aalajangersaaffigineqarput, soorlu mittarfiup takissusia eqqarsaatigalugu manissumik ilaatigullu qummut aamma qummut amiliartortumik ilaatigullu mittarfiup takissusia naapertorlugu mikkiartortarfik tingiartortarfillu aalajangersaaffigineqarsimapput. Nunaminertaq mittarfimmut miffissap akornutissaqanngitsup manissup ataaniippoq qummullu sammivimmut ilaatinneqarluni taamaattumik sanaartukkat atortulersuutillu portunerpaaffimmikkut 127,5-init portunerusut sanaartorneqassanngillat aamma aqquserngit 121,5-inik portunerusut sanaartoqqusaanngillat.

Immikkut ittunik aalajangersagaqanngilaq