Erhvervs- og havneområder

Erhvervsområder

Sumiiffiup allaffissornerup iluani, entreprenøritut ingerlatsinermi, peqqumaasiveqarnermi, assassornermik suliaqartuni, sannavinni, tunisassiornerni, inaalitsinerni, assartuussinerni aamma talittarfilittut saputilittullu, quersuaqarfittut, inaalitsivittut assigisaattullu umiarsualivimmmi atortorissaaruteqarfilittut umiarsualivimmi siunertanut atugassiissutigineqarnissaa aalajangerneqarpoq. Imartaa kisartarfittut pituttarfittullu atorneqarsinnaavoq. Immikkoortup ilaani mikinerusunik niuertarfiliortoqarsinnaavoq.

Nunaminertaq illutalinnik umiarsualiveqarfiuvoq. Nunaminertaq 13,0 ha-it missaannik annertutigaaq.

Nutaanik sanaartortoqannginnerani immikkoortup ilaa tamaat pillugu ataatsimoortumik pilersaarusiortoqaqqaassaaq pilersaarusiamilu illut qanoq ittuunissaat, annertussusissaat, inissisimaffissaat aamma sumiiffiup ineriartortinneqarneranut sukumiisunik aalajangersakkat aalajangersarneqassapput. Sanaartukkat nutaat ilusaat, atortussiartassaat qalipaataallu immikkoortup ilaani sanaartugaareesunut naleqqussarneqassapput.

Sumiiffik tamakkerluni sanaartorfigineqareerpoq sinneruttumillu inissaarulluni.

Sumiiffik Aqqusinersuaq-iminngaanniit aqqusineqarpoq.

Sumiiffimmi nutarterisoqarsinnaavoq, tassunga ilanngullugit illooreersunik isaterinerit. Ataatsimoortumik pilersaarut malillugu nutarterisoqassaaq.

Mittarfiup eqqaani nunaminertat piumasaqaatitaqarfiusut aalajangersaaffigineqarput, soorlu mittarfiup takissusia eqqarsaatigalugu manissumik ilaatigullu qummut aamma qummut amiliartortumik ilaatigullu mittarfiup takissusia naapertorlugu mikkiartortarfik tingiartortarfillu aalajangersaaffigineqarsimapput. Nunaminertaq mittarfimmut miffissap akornutissaqanngitsup manissup ataaniippoq qummullu sammivimmut ilaatinneqarluni taamaattumik sanaartukkat atortulersuutillu portunerpaaffimmikkut 127,5-init portunerusut sanaartorneqassanngillat aamma aqquserngit 121,5-inik portunerusut sanaartoqqusaanngillat. Nunaminertaq tankeqarfiup eqqaani nunaminertamut isumannaallisaaffiusumut ilaatinneqarpoq. Nunaminertaq isumannaallisaaffiusoq tankeqarfiup avammut killeqarfianit tukimut 50 meterinik silissuseqarpoq. Nunaminertap taannartaa sanaartorfigineqassanngilaq allatulluunniit nunaminertaq pillugu aalajangersakkanut akerliusumik atorneqassanngilaq.

Sumiiffimmi immikkut ittumik mingutsitsisumik suliffeqarfeqarsinnaavoq. Immikkut ittumik mingutsitsisumik suliffeqarfiliorniaraanni Suliffeqarfiit mingutsitsivallaartut il.il. avatangiisinut tunngatillugu akuersissuteqarfigineqartarnerat pillugu Namminersornerullutik Oqartussat nalunaarutaat nr. 11, 20. august 2004-meersoq malillugu qinnuteqaateqartoqassaaq.