Centerområder

Centerområder

Immikkoortoq siunertanut tamanut atorneqartussanut atorneqarsinnaavoq, soorlu inissianut, meeqqerivinnut, pisiniarfinnut, namminersortunut, kiffartuussivinnut il. Il. Aammattaaq avatangiisinut mingutsitsisuunngitsunik suliffeqarfinnik pilersitsoqarsinnaassaaq, soorlu sannavinnik assassornermik suliaqarfiusunik, quersuarnik, angallannikkullu suliaqartunik assigisaanilluunniit. Nunaminertat sanaartorfigineqanngitsut, allamut atorneqartussatut qularnaarneqanngitsut, taamaallaat siunertanut tamanut atorneqarsinnaasunik ilusilersorneqarlutillu atorneqarsinnaapput, ilusilersuinerillu immikkoortup inissisimaneranut atorneqarneranullu nalimmassarneqarsimassallutik. 

Nunaminertaq qiterisaqarfiuvoq. Nunaminertaq 5,8 ha-it missaannik annertutigaaq.

Sanaartukkat nutaat 5-inik quleriinngorlugit sanaatorneqarsinnaapput. IMMIKKUUALUTTOQ IV Sanaartorneq sanaartorfigineqartussap iluani sanaartorneqarsinnaapput (takuuk ilanngussaq 2) arfineq-pingasullu tikillugit quleriiaalinnik sanaartorsinnaaneq akuerineqarsinnaapput. Sanaartorfigineqartussat B-2320, B-2321 aamma B-252 nunaminertamut pisussaatitasumut tunniunneqassapput. Immikkuualuttumi II-mi nutaamik sanaartorneq pilersinnagu immikkut kommunimut pilersaarummut tapiliussamik sukumiisumik aalajangersaavigineqaqqaassaaq.

Matuma qulaani sanaartorfissat atorneqareerpata, immikkoortoq tamakkerluni sanaartorfigineqareersutut sinneruttunillu inissaqartitsiffiunngitsutut isigineqalissaaq.

Immikkoortoq Jens Kreutzmannip Aqqutaanit, Dr. Ingridip Aqqutaanit Qatserisuniillu aqquteqarpoq.

Sumiiffimmi illoqarfimmi nutarsaasoqarsinnaavoq, ilaatigut illuliat pioreersut isaterneqarnerisigut. Illoqarfimmik nutarsaaneq ataatsimut pilersaarusiornikkut pissaaq.

Mittarfiup eqqaani immikkut ittumik aalajangersagaqarpoq, mittarfiup tallissutaatut atuuttunik, narlorissup iluani aamma nunap immamit qatsinnerussusissaatut aalajangiussat iluanni mikkiartornermi qangattalernermilu akornutaasoqaqqunagu. Immikkoortoq mittarfimmut aporfeqanngitsup ataaniippoq narlorissullu inissisimanerata ilaanut ilaalluni, tassani illut immamit qatsissuseq 127,5 qaangerlugu sanaartoqqusaanatik aqquserngillu sanaartorneqarnerini immamit qatsissuseq 121,5 qaangeqqusaanagu.

Immikkut ittunik aalajangersagaqanngilaq