Centerområder

Immikkoortup atorneqarnissaa ataatsimoorussassatut siunertanut atorneqassasoq aalajangersarneqarpoq, soorlu atuarfinnut, meeqqerivinnut, kulturikkut timersornikkullu atortorissaarutinut aamma pisortat siunertaannut tamakkununnga assingusunut, taamatullu pisiniarfinnut, inuussutissarsiortunut namminersortunut, kiffartuussinermik ingerlatsisunut aamma inissianut. Immikkoortoq immikkoortup ilaanut marlunnut avinneqassaaq: Immikkoortup ilaa 1: Immikkoortortap atorneqarnissaa siunertanut ataatsimoorussanut aalajangerneqassaaq, atuarfimmut, ukioqatigiiaanngitsunik paaqqinniffittut meeraaqqerivik meeqqerivillu, AKO (Atuareernerup Kingorna Ornittakkat), kulturikkut timersornikkullu atortorissaarutinut aamma pisortat siunertaannut taakkununngalu assingusunut. Immikkoortortap ilaa 2: Qeqqani siunertanut aalajangersakkanut illoqarfimmi atuuffilinnut soorlu: Pisiniarfiit, namminersortut inuussutissarsiortut, (ussassaarinermik ingerlatsisut, suliffeqarfiit IT-mik ingerlatsisut, eqqartuussissuserisut, titartaasartut, ingeniørit, illunik tuniniaasartut, kukkunersiuisut assigisaallu), katsorsaaviit (kigutilerisut, isigalerisut, psykologit assigisaallu), kiffartuussineq, pisortat allaffeqarfii, inissiat, unnuisarfik, neriniartarfik, biilit uninngavii aamma teknikkikkut atortut pisariaqartut il.il.

Inissiat quleriit ataatsiniit sisamat tikillugit sanaartorneqarsinnaapput. Immikkuualuttoq 2-mi sanaartorfissaq D-mi inissiat arfinillit tikillugit quleriillit sanaartorneqarsinnaapput, tassa Aqqusinersuup Kongevejillu tungaanut sammisumi.

Immikkoortup ilaa taanna 4,3 ha-it missaannik annertussuseqarpoq. Immikkoortup ilaa qeqqani siunertanut aamma inissianut 200-inut 20.000 m²-isut annertutigisumik sinneruttumik inissaqarpoq, illut inaarutaasumik ilusilersorneqarnerat apeqqutaalluni. Illut piusut isaterneqarnerisigut illunik nutaanik sanaartortoqarsinnaavoq. Sanaartukkat pioreersut isaterneqarnerisigut immikkoortortami sinneruttumik inissaq katilluni 40.000 m²-iussaaq aamma 200-nik inissiartaqassaaq, illut inaarutaasumik ilusilersorneqarnerat apeqqutaalluni. Matuma qulaani sanaartorfissat atorneqareerpata, immikkoortoq tamakkerluni sanaartorfigineqareersutut sinneruttunillu inissaqartitsiffiunngitsutut isigineqalissaaq.

Immikkut ittunik aalajangersagaqanngilaq  Sumiiffimmi illoqarfimmi nutarsaasoqarsinnaavoq, ilaatigut illuliat pioreersut isaternerisigut.

Immikkut ittunik aalajangersagaqanngilaq 

Narlorissumik aammalu suluunnartut ilusilimmik mittarfiup tallilerneqarnerani mikkiartornermi qangattalernermilu qaavisa aporfeqanngitsoqarnerisigut mittarfiup eqqaani killeqarfiit aalajangersagartaqartinneqassapput. Immikkoortoq mittarfimmut aporfeqanngitsup ataaniippoq narlorissullu inissisimanerata ilaanut ilaalluni, tassanilu illut nunamiit illuliat nuuisa tungaanut 127,5 qaangerlugu sanaartoqqusaanatik aqquserngillu sanaartorneqarnerini 121,5 qaangeqqusaanagu.

Immikkut ittunik aalajangersagaqanngilaq