Centerområder

Centerområder

Tamat ataatsimoorussamik siunertarineqartut tassaapput atuarfiit/atuartitsinerit, meeqqanut, inuusuttunut utoqqarnullu ornittakkat, oqaluffiit, pisortat allaffeqarfii, inissiat, kulturimut tunngasut, sunngiffimmi sukisaarsarnermilu siunertat, biilit uninngasarfii teknikkikkullu atortuusiviit il. il. Nunaminertat sanaartorfiunngitsut allanut siunertanut atugassiissutigineqarsimanngitsut tamat ataatsimoorussaanut sanaartorfiunngitsutut taamaallaat atugassanngortinneqaqqusaapput, aammalu immikkoortup inissisimaffianut atorneqarneranullu naleqquttumik iluseqartussaallutik.

Sanaartukkat sanaartorfissatut atugassanngortinneqartup iluani sanaartorneqassapput ilanngussaq 2 innersuussutigalugu. Sanaartorfik taamaallaat Kalaallit Nunaanni Eqqumiitsulianik Saqqummersitsiviup illutassaanut atorneqarsinnaavoq.

Immikkoortoq, sukumiisumik aalajangersakkani § 1, imm. 2 innersuussutigalugu, kulturimik siunertaqartumik, soorlu Kalaallit Nunaanni Eqqumiitsulianut Toqqorsivimmik sanaartorfigisassanngortinneqarpat, immikkoortoq allanut inissaqartinneqarani pissaaq.

Pilersaarusiorfiusumut aqqut nutaaq C. E. Jansensvejikkut aqqutilerneqassaaq. Immikkoortup tikiffigineqarnissaanut aqquserniortoqarnerani immikkoortup ilaa 1A16-imut aqqut pingaartinneqassaaq, takuuk ilanngussaq 3.

Eriaginninnissamik ilanngussisoqanngilaq.

Mittarfiup eqqaani immikkut ittumik aalajangersagaqarpoq, mittarfiup tallissutaatut atuuttunik, nallarissup iluani aamma nunap immamit qatsinnerussusianut aalajangiussat iluanni mikkiartornermi qangattalernermilu akornutaasoqaqqunagu. Immikkoortoq mittarfimmut aporfeqanngitsup ataaniippoq narlorissullu inissisimanerata ilaanut ilaalluni, tassanilu illut nunamiit illuliat nuuata tungaanut 127,5 qaangerlugu sanaartoqqusaanatik aqquserngillu sanaartorneqarnerini 121,5 qaangeqqusaanagu.