Centerområder

Centerområder

Illoqarfiup qeqqani immikkoortut (C1) Sumiiffiup atorneqarnera qitiusoqarfimmi siunertanut illoqarfimmi pisariaqartut ilanngullugit aalajangersarneqassaaq, soorlu: Pisiniarfiit, namminersortut, (ussassaarusiornermik suliaqartartut, qarasaasialerisut, eqqartuussissuserisut, illussanik titartaasartut, ingeniørit, illunik tuniniaasartut, kukkunersiuisut assigisaalu), nakorsiartarfiit (kigutilerisoq, fodterapeut, tarnip pissusiinik ilisimasalik assigisaalu), kiffartuussiviit, pisortat allaffii, inissiat, hoteli, neriniartarfik, biilinik inissiisarfik teknikkimullu tunngasut pisariaqartut assigisaalu. aamma Tamanut siunertat (C2) Immikkoortup atorneqarnera meeqqeriviliortoqarnissaanut tassa meeraaqqerivittalimmik meeqqerivittalimmillu tassungalu atasunik atortulersuutinik assigisaanillu tamanit atorneqarsinnaasunut siunertanut atugassiaavoq. 

Immikkoortoq immikkuualuttunut sisamanut aggulunneqassaaq: l, ll, lll aamma lV Immikkuualuttoq I: Nutaamik sanaartorneq pisinnaaqqullugu immikkoortoq tamakkerlugu ataatsimoortumik pilersaarusiortoqassaaq sunik sanaartortoqarnissaanik, qanoq annertutigisumik inissisimaffissaalu kiisalu immikkoortup allanngoriartorneranut sukumiisumik aalajangersakkat aalajangersarneqaqqaassapput. Immikkuualuttoq ll: Sanaartukkat quleriit tallimat tikillugit sanaartorneqarsinnaavoq (Naqqa quleriinni siulliuvoq) Immikkuualuttoq lll: Sanaartukkat quleriit 1½ tikillugit sanaartorneqarsinnaavoq (Naqqa quleriinni siulliuvoq) Immikkuualuttoq IV: Sanaartukkat nutaat ima qulereeqassapput: Sanaartorfissaq 1: 4 etager Sanaartorfissaq 2+3: 3 etager Sanaartorfissaq 4: 5 etager Sanaartorfissaq 5: 7 etager (Naqqa quleriinni siulliuvoq)

Immikkoortoq 4,5 hektarit missiliorlugit annertussuseqarpoq tamakkiisumillu sanaartorfigineqarsimalissaaq sanaartorfissiat sanaartorfigineqarpata naleqqitikkit aalajangersakkat.

Immikkoortoq Samuel Kleinschmidtip Aqqutaanit, Lyngby-Tårbæksvejimit, Aqqusinersuarmit, Noorlernit aamma Qullilerfimmit aqquteqartinneqassaaq.

Samuel Kleinschidtip Qullilerfia aamma eqqaani nunaminertaq eriagisassatut isigineqarpoq. Immikkoortoq sanaartorfiussanngilaq illoqarfimmilu inissatut aaqqinneqassalluni. Imanerup aamma Qullilerfiup akornganni oqaluttuarisaanermi tukimut titarneq attanneqassaaq.

Mittarfiup eqqaani immikkut ittumik aalajangersagaqarpoq, mittarfiup tallissutaatut atuuttunik, narlorissup iluani aamma nunap immamit qatsinnerussusianut aalajangiussat iluanni mikkiartornermi qangattalernermilu akornutaasoqaqqunagu. Immikkoortoq mittarfimmut aporfeqanngitsup ataaniippoq narlorissullu inissisimanerata ilaanut ilaalluni, tassani illut immamit qatsissuseq 127,5 qaangerlugu sanaartoqqusaanatik aqquserngillu sanaartorneqarnerini immamit qatsissuseq 121,5 qaangeqqusaanagu.

Kommunimut pilersaarummut tapiliussaq naapertorlugu immikkoortoq tamakkerlugu illoqarfimmik annertuumik nutarsaanissamut periarfissiissaaq.

Immikkut aalajangersagaqanngilaq

Kommunimut pilersaarummut tapiliussaq naapertorlugu immikkoortoq tamakkerlugu illoqarfimmik annertuumik nutarsaanissamut periarfissiissaaq.