Erhvervs- og havneområder

Erhvervsområder

Inuussutissarsiuteqarfiit aamma umiarsualiveqarfiit. Inuussutissarsiuteqarnermi allaffeqarfittut, entreprenøreqarfittut, quersuaqarfittut, assassorluni suliffeqarfiliorfissatut, sannavittut, tunisassiorfissatut, inaalitsiveqarfittut angallassinermik sulialinnut aammalu umiarsualiveqarnermut siunertanut talittarfeqarlunilu puttasoqassaaq, kiisalu illorsuit assigisaallu umiarsualiveqarnermut tunngasut Immikkoortup atorneqarnissaa aalajangersarneqarpoq. Imartaa kisartarfittut pituttarfittullu atorneqassaaq.

Sanaartorneq atortussaateqarnerlu immikkoortup takuneqarsinnaasutut ilusaa ataqqillugu suliarineqassapput. Immikkuualuttuni A-miit D-mut sanaartugassat nutaat portussusaat imaassapput: Immikkuualuttoq A: Portunerpaamik 32,5 m Immikkuualuttoq B: Portunerpaamik 18 m, sanaartofissalli 30%-iani 26 m-iusinnaalluni. Immikkuualuttoq C: Portunerpaamik 15 meter Immikkuualuttoq D: Attaveqarnermut imaluunniit teknikkikkut atortuusiveqarnermut attuumassutilinnik ataatsimik quleriilik.

Sumiiffimmi suli sanaartorfissaqarpoq. Immikkuualuttut A aamma B sukumiisumik aalajangersakkat naapertorlugit tamakkiisumik sanaartorfioreerpata allanik sanaartorfissaarutissaaq.

Immikkoortoq Qeqertanut aamma Borgmester Anniitap Aqqusernganit aqquteqassaaq.

Immikkut ittunik aalajangersagaqanngilaq

Mittarfiup eqqaani immikkut ittumik aalajangersagaqarpoq, mittarfiup tallissutaatut atuuttunik, nallarissup iluani aamma nunap immamit qatsinnerussusianut aalajangiussat iluanni mikkiartornermi qangattalernermilu akornutaasoqaqqunagu. Immikkoortoq mittarfimmi milernermi qangattalernermilu aporfeqanngitsumut ilaalluni inissisimavoq. Inissianut, sanaartukkanut aqqusinniornissamullu portussutsit portunerpaaffigisassaat assigiinngiiaarput, mittarfimmiillu ungasissuseq aamma qeqqani titarnermut teqeqqorissumik ungasissuseqarnera aallaaviussaaq. Innaallagissap aqqutaata ilaani isumannaallisaanermut killeqarfeqarfimmut sumiiffik ilaavoq. Immikkoortumi 15 meterit iluanni ungaluusanik innaallagialinnik autoværninik saviminiusunik imaluunniit innaallagialinnik allanik ikkussisoqaqqusaanngilaq.

Immikkut ittunik aalajangersagaqanngilaq