Erhvervs- og havneområder

Erhvervsområder

Kommunimut pilersaarummut tapiliussami immikkoortup atorneqarnissaa aalajangersarneqarpoq, inuussutissarsiuteqarfittut allaffeqarfittut, entreprenøreqarfittut, quersuaqarfittut, assassorluni suliffeqarfiliorfissatut, iluasaassisarfeqarfissatut, tunisassiorfissatut, inaalitsiveqarfittut angallassinermik sulialinnut aammalu umiarsualiveqarnermut siunertanut talittarfeqarlunilu puttasoqassaaq, kiisalu illorsuit assigisaallu umiarsualiveqarnermut tunngasut tamaaniissapput Aamma silami inaatsiviliortoqarsinnaavoq umiatsianullu inaalitsiviliortoqarluni. Imartaa kisartarfittut pituttarfittullu atorneqassaaq.

Sanaartornermi annerpaamik 10 m portussuserineqassaaq.

Immikkoortup ilaa 8,0 ha-it missaannik annertussuseqarpoq.   Immikkoortoq inissianut 20.000 m² -mut inissaqarpoq, illuliat inaarutaasumik ilusilersorneqarnerat apeqqutaatillugu. Matuma qulaani sanaartorfissat atorneqareerpata, immikkoortoq tamakkerluni sanaartorfigineqareersutut sinneruttunillu inissaqartitsiffiunngitsutut isigineqalissaaq.

Sumiiffik Qeqertanut-nit aqqusineqarpoq.

Immikkut ittunik aalajangersagaqanngilaq    

Mittarfiup eqqaani immikkut ittumik aalajangersagaqarpoq, mittarfiup tallissutaatut atuuttunik, nallarissup iluani aamma nunap immamit qatsinnerussusianut aalajangiussat iluanni mikkiartornermi qangattalernermilu akornutaasoqaqqunagu.  Immikkoortut ilaat tamarmik mittarfiup eqqaani immikkut aalajangersakkat iluanniipput, tassani illut sanaartukkallu allat nunap immamit qatsinnerussusia 127,5-imik qaangerlugu sanaartorneqaqqusaanngillat aammalu  qatsissuseq 121,5 qaangerlugu aqqusinniortoqaqqusaanngilaq imaluunniit silaannarmi nallarissup mittarfiup tallissutaatut atuuttup iluani sanaartukkat atortulersuutillu allat immamit aalajangersimasumik qutsinneruffissaqartitaapput mittarfimmut ungasissuseq apeqqutaalluni, qeqqaniillu mittarfimmiillu ungasissuseq aamma qeqqani titarnermut teqeqqorissumik ungasissuseqarnera aallaaviussaaq. Innaallagissap aqqutaata ilaani isumannaallisaanermut killeqarfeqarfimmut sumiiffik ilaavoq. Immikkoortumi 15 meterit iluanni ungaluusanik innaallagialinnik autoværninik saviminiusunik imaluunniit innaallagialinnik allanik ikkussisoqaqqusaanngilaq.

Immikkut ittunik aalajangersagaqanngilaq