Centerområder

Centerområder

Immikkoortup atorneqarnera atugassanik pisiniartarnerup iluani pisiniarfissuaqarnermut, tamat aqqusaartugassaannut namminersortullu kiffartuussinerannut, inissiaateqarnerannut, akunnittarfeqarnerannut, neriniartarfeqarnermut kiisalu pisortat allaffeqarfiinut suliffeqarfiinullu aalajangersarneqassaaq.

Nunaminertaq qiterisaqarfiuvoq. Nunaminertaq 5,7 ha-it missaannik annertutigaaq.

Immikkoortup ilaa immikkuualuttunut agguataarneqarpoq ilanngussaq 1-imi takutinneqartutut I, II, III aamma IV-nut. Immikkuualuttoq 1: Nutaamik sanaartukkat alliliinerillu taamaallaat ilanngussat 2-mi sanaartorfissani takutinneqartutut inissinneqassapput. Sanaartorfik 1 quleriit marluk tikillugit sanaartorfigineqarsinnaavoq. Sanaartorfik 2 quleriit ataaseq tikillugu sanaartorfigineqarsinnaavoq. Sanaartorfik 3 quleriit tallimat tikillugit sanaartorfigineqarsinnaavoq. Ini alleq quleriinni siulliuvoq Immikkuualuttoq 2 aamma 3 illoqarfiup ilaanut pilersaarummi 2.11-mi aalajangersakkani ilaatinneqarput. Immikkuualuttoq 4 illoqarfiup ilaanut pilersaarummi 2.13-imi aalajangersakkani ilaatinneqarpoq.

Immikkuualuttunut ataasiakkaanut sukumiisumik aalajangersakkat malillugit taamaallaat sanaartukkat pioreersut allilerneqarsinnaapput illunillu nutaanik sanaartortoqarsinnaalluni.

Sumiiffik Nuussuarmut Sorlaaniillu aqqusineqarpoq.

Immikkoortortami illoqarfimmi nutarsaasoqarsinnaavoq, ilaatigut illuliat pioreersut isaterneqarnerisigut nutaanillu sanaartornikkut.

Mittarfiup eqqaani immikkut ittumik aalajangersagaqarpoq, mittarfiup tallissutaatut atuuttunik, narlorissup iluani aamma nunap immamit qatsinnerussusianut aalajangiussat iluanni mikkiartornermi qangattalernermilu akornutaasoqaqqunagu. Immikkoortoq mittarfimmut aporfeqanngitsup ataaniippoq narlorissullu inissisimanerata ilaanut ilaalluni, tassani illut immamit qatsissuseq 127,5 qaangerlugu sanaartoqqusaanatik aqquserngillu sanaartorneqarnerini immamit qatsissuseq 121,5 qaangeqqusaanagu.

Immikkoortortami illoqarfimmi nutarsaasoqarsinnaavoq, ilaatigut illuliat pioreersut isaterneqarnerisigut nutaanillu sanaartornikkut. Immikkoortumi immikkuualuttunut ataasiakkaanut sukumiisumik aalajangersakkat malillugit nutaanik illuliortoqartassaaq.