Tekniske anlæg og infrastruktur

Tekniske anlæg

Immikkoortoq mittarfimmut kiisalu kiffartuussinermi inuussutissarsiuteqarnermilu atortunik suliaqarfinnut atugassanngortinneqarpoq. Immikkoortumi suliffeqarfiit mingutsitsisut immikkut ittumik ingerlanneqarsinnaapput. Sumiiffinni sukumiisuni B-mi, C-mi aamma D-mi qaqqanik qaartiterinissaq inerteqqutaanngilaq. Immikkoortup ilaa sumiiffinnut sukumiisunut A-G-mut aggulunneqassaaq: SUMIIFFIK SUKUMIISOQ A taamaallaat timmisartut aallartarfiannut mittarfiannut / pisattanut ingerlaarfinnut / sivisuumik uninngasarfissanut / timmisartut isumannaallisagaanerinut sanaartukkanut / attaveqarnernut soorlu aqqusinernut pilersuinermilu ledninginut tunngatinneqassaaq. Nunaminertat atorneqanngitsut pissusissaasut ilineqassapput. Kujataatungaani angallammik isaariamiippoq napasuliaq pioreersoq, taannalu oqartussaasut susassaqartut suleqatigalugit nuunneqarnissaa imaluunniit allatigut isumannaarneqarnissaa qulakkeerneqassaaq.   SUMIIFFIK SUKUMIISOQ B mittarfimmut siunertamut / pisattanut ingerlaarfinnut / taxit inissiffissaannut / sivisuumik uninngasarfissanut / akunnittarfimmut / timmisartunut iniliamut / sannavimmut / qatserinermi sungiusarfimmut / orsertarfimmut / biilinut uninngasarfimmut mittarfimmit taamaallaat atorneqassaaq. Siunissami orsussamut tankit maleruagassat isumannaallisaanermullu tunngasut malinneqartillugit orsertarnermut atatillugu inissinneqarsinnaapput. Tamatuma saniatigut biilinut uninngasarfeqarsinnaanermut nunaminertaliisoqassaaq, pisariaqartinneqalissappat. Illut B-2580-mut pioreersumut isersinnaaneq isumannaarneqassaaq. SUMIIFFIIT SUKUMIISUT C AAMMA D mittarfimmi / inuutissarsiornermi siunertamut kiisalu attaveqarnermut teknikkikkullu atortussaatinut, soorlu aqqusinermut pilersuinermilu aqqutilersuutinut tunngatinneqassapput - Nunaminertat atorneqanngitsut pissusissaasut ilineqassapput. Qaqqartat qaartiterneqassapput. Qaartiterneqarsimasut killingi naleqqutinngitsumik qimaannarneqassanngillat aamma aqquserngup killinga niffarlunnik katersuiviusinnaanngorlugu suliaassaaq. Qaartiterinermut tunngasortaa Kommuneqarfik Sermersuumit akuerineqassaaq. Immikkuualuttut siunertanut timmissanik ussagartitsisinnaasunut atorneqassanngillat. Immikkoortuni sanaartortoqannginnerani sukumiisumik aalajangersakkanik suliarinnittoqassaaq. SUMIIFFIIT SUKUMIISUT E attaveqarnermut ilaatigut imeqarfimmik nutaamik tassungalu attuumassuteqartunik atortunik atugassanngortinneqassaaq. Nunaminertat atorneqanngitsut taamaaginnartinneqassapput, ermullu pitsaassusaata qulakkeernissaanut piumasaqaataappat aatsaat ungalulersorneqassallutik. SUMIIFFIIT SUKUMIISUT F inuussutissarsiornermut, akunnittarfimmut aammalu sukisaarsaartarfittut siunertanut atugassanngortinneqassaaq. Nunaminertat atorneqanngitsut pissusissamisut inissisimatinneqassapput. SUMIIFFIIT SUKUMIISUT G ujaqqerivissatut atugassanngortinneqassaaq Nunaminertat atorneqanngitsut taamaaginnartinneqassapput, tamallu isumannaatsuunissaasa qulakkeernissaanut piumasaqaataappat aatsaat ungalulersorneqassallutik. Qaartiteriviit qaartitikkallu tamarmik aamma 2023-mi aasaanerata tungaanut atorneqartut immikkoortup ilaata tungaanut killeqartinneqassapput, taakkulu mittarfiliornerup ingerlanneqarneranut navianartorsiortitsinersut mittarfimmit misissorneqassapput.

Immikkoortup ilaa Nuummi Mittarfimmut sanaartugartaqarpoq.

Sumiiffimmi sukumiisumi B-mi sanaartorfinnik 5-inik kiisalu sumiiffimmi sukumiisumi E-mi ataatsimik atugassanngortitsisoqassaaq. Silaannakkut angallassinermi aporfeqanngitsumik mittarfeqarfiup piumasaqaataa sanaartukkani atortorissaaruteqarfinnilu ataqqineqassaaq. Nutaamik sanaartukkat atortullu nutaat tamakkununnga akornutaassanngillat. Immikkuualuttumi sanaartugaq marluk angullugit quleriiutinneqarsinnaavoq, 3.2-mi maleqqunneqartut malinneqarsinnaappata. Immikkoortup iluani sanaartornerni atortussaateqarnernilu Naalagaaffiup Mittarfeqarfiata ”Inuinnarnik timmisartuussisarnermut aalajangersagai” ataqqineqassapput Sanaartorneq atortussaqarnerlu immikkoortup takuneqarsinnaasutut ilusaa ataqqillugu suliarineqassapput.

Immikkoortoq 296,7 ha missaani angissuseqarpoq mittarfiullu 2200 meterinik takitigisumut tallineqarnissaa periarfissaalluni kiisalu mittarfiup mittarfissuarmut nutarsaanissaanut immikkoortumilu inuussutissarsiutinik ingerlataqarnissamut nunaminertanik peqalernissamut pisariaqartunik pilersitsinissaq periarfissaalluni

Mittarfiup avannaatungaani aqqusineq pingaarneq pilersinneqassaaq. Aqqusinermi pingaarnermiissapput inuit pisuffissaat cykelertarfillu immikkoortut, taamaalillutik biilinik kiisalu pisullutik, cykelerlutik allatigullu angallattut pitsaasunik aqquteqartinneqarnissaat qulakkeerneqassaaq. Sukisaarsarluni aqquserngit qamuteralaallu aqqutaat mittarfiup avataaniittut isumannaarneqassapput. Qinngutsinnut aqquserngup allanngortinneqarnissaanut atatillugu imermik pilersuinermi aqqutilersuusiortoqarsinnaavoq, taamaalilluni imeqarfik nutaaq Qinngutsinnut pilersuisinnaanngorlugu Eqalugalissuarmut atatillugu sumiiffik sukumiisoq E-mi imeqarfik inissinneqarsinnaavoq. Imeqarfiup inaarutaasumik inissinneqarnissaa Kommuneqarfik Sermersuup Nukissiorfiullu akornanni isumaqatigiinnikkut pissaaq.

Immikkut ittunik aalajangersagaqanngilaq

Ungaluusat innaallagiaqartut pillugit isumannaallisaanermi killeqarfinnut aalajangersakkat ataqqineqassapput ilaatigut immikkoortup iluani ungaluusani sukaasarsuarnit tamanit 15 meterimik ungasitsigisumi ungaluusanik innaallagialinnik ikkusseqqusaannginneratigut, autoværninik saviminiusunik imaluunniit innaallagialinnik allanik ikkussisoqannginneratigut. Mittarfiup eqqaani isumannaallisaanermut killeqarfinnut atatillugu maleruagassat  ataqqineqassapput. Mittarfeqarnermut atatillugu nipilliortarnermut killeqarfinnut aleruagassat sanaartornermi atortussaateqarnermilu ataqqineqassapput. Mittarfiup eqqaani nunaminertat nipiliornermut killeqarfinnut attuumassuteqartut (mittarfimmit 700 meterimik ungasitsigisut) nipiliorfissaanngitsunut siunertanut atorneqassanngillat, matumani ineqarfinnut siunertanut. Silaannakkut angallassinermi aporfeqanngitsumik mittarfeqarfiup piumasaqaataa sanaartornermi atortussaqarnermilu ataqqineqassaaq. Sanaartornerit atortussaqarnerillu nutaat tamakkununnga akornutaassanngillat.

B-1840 nutarterneqarsinnaavoq imaluunniit ingutserneqarsinnaalluni

Immikkut ittunik aalajangersagaqanngilaq

B-1840 nutarterneqarsinnaavoq imaluunniit ingutserneqarsinnaalluni