Erhvervs- og havneområder

Erhvervsområder

Sumiiffik allaffissornermi, entreprenøritut ingerlatsinermi, inaalitsiveqarnermi, assassorluni suliaqarnermi, sannaveqarnermi, tunisassiornermi, inaalitsinerni assartuussinernilu kiisalu suliffissuaqarnermi namminersorluni inuussutissarsiuteqarnermi allaffittut atugassiissutigineqarnissaa aalajangerneqarpoq. Immikkoortup ilaani mikinerusunik niuertarfiliortoqarsinnaavoq. Immikkoortup ilaani aamma qatserutaasiviliortoqarsinnaavoq, tankeqarfiliortoqarsinnaavoq (ikummatissamik) aamma utaqqiisaasumik ujaqqanik aserorteriviliortoqarsinnaavoq.

Nunaminertap ilaa illutalimmik inuussutissarsiuteqarfiuvoq. Nunaminertaq 7,2 ha-it missaannik annertutigaaq.

Nutaanik sanaartortoqannginnerani immikkoortup ilaa tamaat pillugu ataatsimoortumik pilersaarusiortoqaqqaassaaq pilersaarusiamilu illut qanoq ittuunissaat, annertussusissaat, inissisimaffissaat aamma sumiiffiup ineriartortinneqarneranut sukumiisunik aalajangersakkat aalajangersarneqassapput. Nunaminertat sanaartorfigineqanngitsut pinngortitatut isikkoqartiinnarneqassapput imaluunniit sunngiffimmi sukisaarsarfittut aneerasaartarfittullu aaqqissuunneqarsinnaallutik.

Sumiiffimmi sanaartukkap inaarutaasumik iliusilersorneqarnissaa apeqqutaatillugu sumiiffimmi inissaq sinneruttoq 5.000 m2-inik annertussuseqarpoq. Matumani qulaani sanaartornissamut periarfissat taaneqartut atorneqareerpata sumiiffik sinneruttunik inissaarullugu tamakkerlugu sanaartorfigineqareersimassaaq.

Sumiiffik Suloraq-mit aamma Naternanut-imit aqqusineqarpoq.

Sumiiffimmi aqqusineeraqarnissaa qulakkeerneqassaaq.

Mittarfiup eqqaani nunaminertat piumasaqaatitaqarfiusut aalajangersaaffigineqarput, soorlu mittarfiup takissusia eqqarsaatigalugu manissumik ilaatigullu qummut aamma qummut amiliartortumik ilaatigullu mittarfiup takissusia naapertorlugu mikkiartortarfik tingiartortarfillu aalajangersaaffigineqarsimapput. Nunaminertaq mittarfimmut miffissap akornutissaqanngitsup manissup ataaniippoq qummullu sammivimmut ilaatinneqarluni taamaattumik sanaartukkat atortulersuutillu portunerpaaffimmikkut 127,5-init portunerusut sanaartorneqassanngillat aamma aqquserngit 121,5-inik portunerusut sanaartoqqusaanngillat.

Immikkut ittunik aalajangersagaqanngilaq