Centerområder

Centerområder

Sumiiffiup atuarfittut, meeqqerivittut, kulturikkut timersornikkullu atortorissaaruteqarfittut pisortanilu assingusunut ataatsimut siunertanut atugassiissutigineqarnissaa aalajangerneqarpoq.

Nunaminertaq sanaartorfigineqanngilaq aamma 12,1 ha-it missaanni annertussuseqarpoq.

Sanaartukkat nutaat 4-inik quleriinngorlugit sanaatorneqarsinnaapput. Sumiiffiup nunami inissisimanera eqqarsaatigalugu sanaartugassat nutaat ilusilersorneqassapput.

Sumiiffimmi sanaartukkap inaarutaasumik iliusilersorneqarnissaa apeqqutaatillugu sumiiffimmi inissaq sinneruttoq 12.000 m2-inik annertussuseqarpoq. Matumani qulaani sanaartornissamut periarfissat taaneqartut atorneqareerpata sumiiffik sinneruttunik inissaarullugu tamakkerlugu sanaartorfigineqareersimassaaq.

Immikkoortup ilaa aqqusinermit nutaamit mittarfimmut atasumit aqqusineqassaaq.

Qaqqajunnat nunaminertallu qorsuusut sanaartorfigineqanngitsut sanaartorfigineqassanngillat.

Mittarfiup eqqaani nunaminertat piumasaqaatitaqarfiusut aalajangersaaffigineqarput, soorlu mittarfiup takissusia eqqarsaatigalugu manissumik ilaatigullu qummut aamma qummut amiliartortumik ilaatigullu mittarfiup takissusia naapertorlugu mikkiartortarfik tingiartortarfillu aalajangersaaffigineqarsimapput. Nunaminertaq mittarfimmut miffissap akornutissaqanngitsup manissup ataaniippoq qummullu sammivimmut ilaatinneqarluni taamaattumik sanaartukkat atortulersuutillu portunerpaaffimmikkut 127,5-init portunerusut sanaartorneqassanngillat aamma aqquserngit 121,5-inik portunerusut sanaartoqqusaanngillat. Immikkoortup ilaaniippoq Pineqaatissinneqarsimasunut Inissiisarfiup eqqaani nunaminertaq isumannaallisaaffiusoq. Qarmarsuup eqqaata missaanit 100 meterisut silitsigisumik isumannaallisaaffiusumik nunaminertamik atugassiisoqarpoq.

Immikkoortup ilaani nutaamik Pineqaatissinneqarsimasunut Inissiisarfiliortoqarsinnaavoq.