Centerområder

Centerområder

Sumiiffiup niuernermi, pisortat namminersortullu sullissineranni, inissiaqarnermi, akunnittarfeqarnermi, sutorniartarfeqarnermi aamma pisortat allaffeqarneranni meeqqeriviuteqarnerannilu qiterisaqarfinnut siunertanut atugassiissutigineqarnissaa aalajangerneqarpoq. Aammattaaq sunngiffimmi siunertanut umiatsiaatillit peqatigiiffiata umiatsialivianik, talittarfimmik assigisaannillu pilersitsisoqarsinnaavoq. Angallatinut ikummatissamik orsersortarfiliortoqarsinnaavoq.

Nunaminertaq sanaartorfigineqanngilaq. Immikkoortup ilaa Qinngutsinni umiatsiaatileqatigiinnut umiarsualiviuvoq. Nunaminertaq 6,5 ha-it missaannik annertutigaaq.

Sanaartukkat nutaat 4-inik quleriinngorlugit sanaatorneqarsinnaapput. Nutaanik sanaartortoqannginnerani immikkoortup ilaa tamaat pillugu ataatsimoortumik pilersaarusiortoqaqqaassaaq pilersaarusiamilu illut qanoq ittuunissaat, annertussusissaat, inissisimaffissaat aamma sumiiffiup ineriartortinneqarneranut sukumiisunik aalajangersakkat aalajangersarneqassapput. Nunaminertat sanaartorfigineqanngitsut pinngortitatut isikkoqartiinnarneqassapput imaluunniit sunngiffimmi sukisaarsarfittut aneerasaartarfittullu aaqqissuunneqarsinnaallutik.

Sumiiffimmi sanaartukkap inaarutaasumik iliusilersorneqarnissaa apeqqutaatillugu sumiiffimmi inissaq sinneruttoq 12.000 m2-inik annertussuseqarpoq. Matumani qulaani sanaartornissamut periarfissat taaneqartut atorneqareerpata sumiiffik sinneruttunik inissaarullugu tamakkerlugu sanaartorfigineqareersimassaaq.

Sumiiffik Tuukkaq-iminngaanniit aqqusineqarpoq.

Immikkut ittunik aalajangersagaqanngilaq

Mittarfiup eqqaani nunaminertat piumasaqaatitaqarfiusut aalajangersaaffigineqarput, soorlu mittarfiup takissusia eqqarsaatigalugu manissumik ilaatigullu qummut aamma qummut amiliartortumik ilaatigullu mittarfiup takissusia naapertorlugu mikkiartortarfik tingiartortarfillu aalajangersaaffigineqarsimapput. Nunaminertaq mittarfimmut miffissap akornutissaqanngitsup manissup ataaniippoq qummullu sammivimmut ilaatinneqarluni taamaattumik sanaartukkat atortulersuutillu portunerpaaffimmikkut 127,5-init portunerusut sanaartorneqassanngillat aamma aqquserngit 121,5-inik portunerusut sanaartoqqusaanngillat.

Immikkut ittunik aalajangersagaqanngilaq