Friholdte områder og fritidsanlæg

Friholdt område

Immikkoortup ilaata siunertanut pinngortitaqarfittutatorneqarnissaa aalajangerneqarpoq.

Nunaminertami immikkoortut marluupput aamma nunaannaavoq sanaartorfigineqanngitsoq. Nunaminertaq 1240,5 ha-it missaannik annertutigaaq.

Sukisaarsarnermut atorneqarnerata ilaatut ikittuinnarnik nutaanik sanaartortoqarsinnaallunilu atortulersuusersortoqarsinnaavoq.

Immikkut ittunik aalajangersagaqanngilaq

Immikkoortup ilaa biilinut aqqutissiareersunik aqqusineeraareersunillu aqqusineqarpoq.

Quassussuup qaavani kitaa tungaaniit kangia tungaanut aamma Ukkusissani qaqqajunnat marluk qarsullugit kujataa tungaaniit avannaa tungaanut aqqusineeraqarnissaa qulakkeerneqassaaq.

Nunaminertaq qaartiterutissaasivimmut isumannaallisaaffiusumut ilaatinneqarpoq. Nunaminertap taannartaa nunaminertaq pillugu isumannaallisaanermut aalajangersakkanut akerliusumik sanaatorfigineqassanngilaq allatulluunniit atorneqassanngilaq. Qaartiterutissaasiviup eqqaani nunaminertaq isumannaallisaaffiusoq tamaani angallannermi ataqqineqassaaq kisiannili nunaminertap ungaluugartaqanngitsortaani kikkut tamat suli angalaarsinnaatitaapput. Mittarfiup eqqaani nunaminertat piumasaqaatitaqarfiusut aalajangersaaffigineqarput, soorlu mittarfiup takissusia eqqarsaatigalugu manissumik ilaatigullu qummut aamma qummut amiliartortumik ilaatigullu mittarfiup takissusia naapertorlugu mikkiartortarfik tingiartortarfillu aalajangersaaffigineqarsimapput. Nunaminertaq mittarfiup eqqaani akornuteqarani mikkiartortarfiup manissup iluaniippoq aammalu mikkiartortarfimmut tingiartortarfimmullu ilaatinneqarluni. Mittarfimmut ungasissutsit aamma mittarfiup qeqqaniit sanimorluinnaq ungasissuseq apeqqutaatillugit sanaartukkat atortulersuutillu aamma aqquserngit portussusissaat nikerartuupput. Immikkoortup ilaaniippoq innaallagissamut napparussuit eqqaanni nunaminertaq isumannaallisaaffiusoq. Ledningit titarnerisa qeqqiniit 50 meterisut takitigisumi nunaminertami innaallagiatortunik nutaanik ungaluukkiortoqarsinnaanngilaq, saviminermik aqquserngup sinaatigut nakkarnaveeqqusersuisoqarsinnaanngilaq imaluunniit atortunik allanik innaallagissap ingerlaarfigisinnaasaanik ivertitsisoqaqqusaanngilaq). Nunaminertaq imermik milluaaffiusumut nunaminertamut appaaffigeqqusaanngitsumut ilaatinneqarpoq. Nunaminertaq appaakaaffigeqqusaanngitsoq sumiiffimmi sarfaajaasarneq eqqarsaatigalugu aalajangersaaffigineqarpoq. Nunaminertami appakaaffigeqqusaanngitsumi illuliortoqaqqusaananilu atortulersuisoqaqqusaanngilaq.

Immikkut ittunik aalajangersagaqanngilaq